mr. Tatjana Vasiq – Bozaxhieva

Të dhëna personale

mr. Tatjana Vasiq – Bozaxhieva
E lindur më 27.07.1973 në Shkup. Është me kombësi maqedonase.

Arsimi

• Juriste e diplomuar në Fakultetin Juridik “Justiniani i Parë” në Shkup.
• Magjistre në Fakultetin Juridik “Justiniani i Parë” në Shkup në fushën e së Drejtës Civile.
• Provimin e jurisprudencës e ka dhënë në vitin 2018.

Përvoja e punës

• Nga viti 1998-2001 ka punuar në Ministrinë e Financave në fushën e prokurimeve publike, financave ndërkombëtare dhe reformave në administratën publike. E ka menaxhuar trupin ndërministror për koordinimin e reformave në këtë fushë (Njësia e Reformave në Administratën Publike).
• Nga gushti 2001 deri në janar të vitit 2006 punon në Ministrinë e Drejtësisë këshilltare shtetërore për reforma në administratën publike dhe udhëheqëse e Njësisë së Planifikimit Strategjik;.
• Nga janari 2006 deri në gusht 2007, punoi si eksperte kombëtare për marrëdhëniet pronësore dhe juridike dhe trajnuese në Njësinë e Projektit përgjegjëse për zbatimin e projektit “Përforcimi i kapaciteteve institucionale të Entit Shtetëror Gjeodezik në Maqedoni 2005 -2008” (“Strengthening institutional capacities of the State Bureau of Geodetic Operations in Macedonia 2005-2008“), financuar nga SIDA (Sida-Swedish International Development Cooperation Agency) dhe i zbatuar nga Agjencia shtetërore suedeze për Kadastrën e Patundshmërive (Swedesurvey AB, the Overseas Agency for Lantmateriet, the National Land Survey of Sweden), një projekt komplementar i Projektit të reformës së Kadastrës së Patundshmërive, i financuar me një kredi të Bankës Botërore.
• Nga gushti 2007 deri në korrik 2009, punoi në Agjencinë e Kadastrës së Patundshmërive si këshilltare shtetërore për çështje ligjore dhe këshilltare e drejtorit për Planifikim strategjik.
• Nga korriku 2009 deri në tetor 2013, punoi në Entin Shtetëror të Revizionit ku u zgjodh Sekretare e Përgjithshme e parë e këtij institucioni (prill 2011 deri në qershor 2013).
• Nga tetori 2013 deri në korrik 2019, punoi në Ministrinë e Shëndetësisë si këshilltare shtetërore.
• Nga korriku 2019 deri në shtator 2020, punoi përsëri në Ministrinë e Drejtësisë si këshilltare shtetërore për BE integrime. Si kryetare e Grupit të punës për Kapitullin 23, gjyqësori dhe të drejtat fundamentale, mori pjesë në punën e Nënkomitetit për drejtësi dhe punë të brendshme midis Republikës së Maqedonisë së Veriut dhe Bashkimit Evropian në kuadër të Komitetit të stabilizim-asociimit. Si përfaqësuese e Ministrisë së Drejtësisë, është anëtare dhe koordinatore e projektit të Komitetit drejtues të Projektit IPA “Mbështetje për reformat në Sektorin e gjyqësisë” („Support to the justice sector reform“). Gjithashtu, si kryetare e Grupit të punës, e monitoron zbatimin e Strategjisë së Reformave në Sektorin e Drejtësisë (2017-2022) në nivel zbatimi.
• Nga shtatori 2020 deri në janar 2022, punoi në Ministrinë e Shëndetësisë si këshilltare speciale për çështje ligjore.
• Nga 17 janari 2022 deri në tetor 2022, ajo punoi në Ministrinë e Drejtësisë si këshilltare shtetërore për legjislacionin civil.

Më 28 tetor 2022, ajo u zgjodh gjykatëse e Gjykatës Kushtetuese të Republikës së Maqedonisë së Veriut.

Aktivitete të tjera

Pjesëmarrje në grupe punuese:

• Ligji për nëpunësit shtetërorë;
• Ligji për organizimin dhe punën e organeve të administratës shtetërore;
• Ligji për Qeverinë e Republikës së Maqedonisë; ndryshimet dhe plotësimet e Ligjit për matje, kadastër dhe regjistrim të të drejtave të pasurive të paluajtshme në vitin 2006 dhe aktet nënligjore pasuese;
• Ligji për kadastrën e pasurive të paluajtshme i miratuar në vitin 2008 dhe aktet nënligjore të miratuara në bazë të këtij Ligji;
• Ligji për barazinë gjinore, ligjet dhe aktet nënligjore në fushën e shëndetësisë (ligji i parë në këtë fushë);
• Ligji për mbrojtje shëndetësore;
• Ligji për studimet mjekësore dhe zhvillimin e vazhdueshëm profesional doktorëve të mjekësisë;
• Ligji për mjekësinë komplementare dhe alternative, ndryshimet dhe plotësimet e Ligjit për fertilizimin e ndihmuar biomjekësor (ligji i parë në këtë fushë);
• Ligji për barnat dhe pajisjet ndihmëse mjekësore;
• Ligji për substancat narkotike dhe substancat psikotrope;
• Ligji për zonat e lira shëndetësore;
• Ligji për ekspertizë;
• Ligji për mbrojtjen e të dhënave personale.
• Ka marrë pjesë në disa trajnime ndërkombëtare dhe ka kryer vizita studimore në Centre of Registers, një institucion për regjistrimin e të drejtave të pasurive të paluajtshme dhe kadastrën e Lituanisë; Drejtori gjeodezike e Sllovenisë, KADASTER, kadastrën e Mbretërisë së Holandës dhe Lantmateriet, the National Land Survey of Sweden, kadastrën e Suedisë dhe Institucionin suprem të revizionit të Holandës (Netherlands Court of Audit).
• Gjatë vitit 2006 deri në vitin 2007, si trajnere ka kryer trajnime dhe seminare për anëtarët ekzistues dhe të punësuar të komisioneve për paraqitjen e të dhënave për inspektim publik në procesin e krijimit të kadastrës së pasurive të paluajtshme dhe për gjeodetët privatë mbi çështje ligjore që lidhen me krijimin e kadastrës së pasurive të paluajtshme, regjistrimin dhe transferimin e të drejtave të pasurive të paluajtshme, si dhe për njohjen me ndryshimet dhe plotësimet ligjore dhe nënligjore nga viti 2005 dhe procedurat e punës në procesin e krijimit të kadastrës së pasurive të paluajtshme (gjithsej 1200 nëpunës kadastralë).
• Gjatë vitit 2008, mori pjesë në zbatimin e gjithsej 15 seminareve njëditore për departamentet rajonale të kadastrës së pasurive të paluajtshme (gjithsej 369 nëpunës kadastralë) dhe dy seminareve njëditore për Qendrën e Kadastrës së Pasurive të Paluajtshme-Shkup (gjithsej 150 nëpunës kadastralë) mbi Ligjin e ri për kadastrën e pasurive të paluajtshme dhe aktet nënligjore të tij.
• Në vitin 2013 në Ankara, Turqi, si trajnere mori pjesë në zbatimin e trajnimit të parë ndërkombëtar për moderatorët për mjetin IntoSAINT për Institucionet Supreme të Revizionit në rajonin EUROSAI, i cili pati 16 pjesëmarrës (8 pjesëmarrës nga Turqia, nga 2 nga Shqipëria, Estonia dhe Polonia dhe nga 1 nga Hungaria dhe Zvicra).
• Si eksperte kombëtare e angazhuar nga ODIHR (Zyra e OSBE-së për Institucione demokratike dhe të drejtat e njeriut), ajo kreu një vlerësim gjithëpërfshirës të procesit të miratimit dhe zbatimit të ligjeve dhe akteve nënligjore në vendin tonë dhe mori pjesë në përgatitjen e raportit të paraqitur në vitin 2008 ministrit të Drejtësisë dhe zyrtarëve të tjerë të lartë qeveritarë.
• Merr pjesë në zhvillimin e Qendrës së trajnimit si një njësi organizative e brendshme e Entit Shtetëror të Gjeodezisë (aktualisht Agjencia e Kadastrës së Pasurive të Paluajtshme) dhe zhvillon intensivisht trajnime për punonjësit e saj.
• Kryen vetëvlerësimin e parë të dobësive dhe pjekurisë së kontrolleve të integritetit të Entit Shtetëror të Revizionit si moderator për instrumentin IntoSAINT të trajnuar nga Gjykata Holandeze e Revizionit për vlerësimin dhe forcimin e integritetit të Institucioneve Supreme të Revizionit, që synon parandalimin e korrupsionit në Institucionet Supreme të Revizionit me qëllimin përfundimtar të analizimit të rreziqeve për integritetin e tyre, vlerësimin e nivelit të pjekurisë së sistemeve të tyre të menaxhimit të integritetit dhe hartimin e një politike integriteti të përshtatur në të njëjtën kohë për të rritur ndërgjegjësimin për integritetin e punonjësve.
• Merr pjesë në hartimin dhe zbatimin e kuadrit ligjor për FNB me një bartës gestacional (e ashtuquajtura “nënë surrogate”).
• Anëtare e Shtabit të Krizave në kuadër të Ministrisë së Drejtësisë, harton dekrete me fuqi ligjore gjatë një gjendjeje të jashtëzakonshme dhe krize.
• Anëtar i Grupit kombëtar teknik të punës për vaksinimin kundër Kovid-19 dhe është personi përgjegjës për hartimin e kuadrit ligjor që synonte të rregullonte ligjërisht masat parandaluese kundër Kovid-19.

Aftësi të tjera

Zotëron një nivel të lartë aftësish dhe përvoje në udhëheqjen e negociatave dhe komunikimit profesional me institucione dhe ekspertë të huaj dhe vendorë dhe e përdor në mënyrë aktive gjuhën angleze.