Меѓународни и домашни активности

Делегација на Уставниот суд на Република Македонија предводена од Претседателот на Судот д-р Трендафил Ивановски од 2 до 7 јуни 2008 година учествуваше на XIV-тиот Конгрес на Конференцијата на Европските уставни судови што се одржа во Вилниус-Литванија. Тема на Конгресот беше „Проблемите на законодавниот пропуст во уставно-судската практика“ во рамките на која се дискутираше за…

Делегација на Уставниот суд на Република Македонија предводена од Претседателот на Судот д-р Трендафил Ивановски ќе присуствува на XIV Конгрес на Конференцијата на европските уставни судови што ќе се одржи од 2 -7 јуни 2008 година во Вилнус-Литванија. Тема на Конгресот ќе биде „Проблемите на законодавниот пропуст во уставно-судската практика“.

Од 7 до 10 мај 2008 година Уставниот суд на Црна Гора во полн состав (претседателот на Судот д-р Милан Марковиќ и пет судии) престојуваше во посета на Уставниот суд на Република Македонија. Оваа посета беше прва официјална билатерална средба на уставните судови на двете земји по нивното осамостојување. За време на посетата беше остварена…

На 09.05.2008 година, во 10 часот, во посета на Уставниот суд на Република Македонија ќе престојуваат судиите на Уставниот суд на Црна Гора во полн состав, во функција на размена на искуства. Во текот на денот, судиите на Уставниот суд на Црна Гора ќе бидат примени од Претседателот на Република Македонија.

Судијата на Уставниот суд на Република Македонија г-дин Игор Спировски од 11 до 13 февруари 2008 година ќе престојува во Регенсбург, Германија каде што ќе учествува на Конгресот за уставните промени во Југоисточна Европа. Конгресот се одржува во организација на Германската фондација за меѓународна правна соработка и Универезитетот во Регенсбург. На Конгресот учествуваат универзитетски професори и…

Од 23- 26 јануари 2008 година, претседателот на Уставниот суд на Република Македонија д-р Трендафил Ивановски и генералниот секретар на Уставниот суд г-ѓа Милица Николовска присуствуваа на официјалното отворање на новата судиска година на Европскиот суд за човекови права во Стразбур. Настанот започнa со семинар на тема „Улогата на консензусот во системот на Европската конвенција…

Уставниот суд на Република Македонија Ве известува дека на покана на претседателот на Уставниот суд на Република Македонија г-дин Махмут Јусуфи, делегација на Уставниот суд на Република Словенија од 25-27 октомври 2007 година ќе престојува во официјална посета на Уставниот суд на Република Македонија. Во рамките на оваа посета, судијата на Уставниот суд на Република Словенија д-р Цирил…

На покана од претседателот на Уставниот суд на Република Македонија г-дин Махмут Јусуфи, делегација на Уставниот суд на Република Албанија од 17-20 октомври 2007 година ќе престојува во официјална посета на Уставниот суд на Република Македонија. Делегацијата на Уставниот суд на Република Албанија ќе биде предводена од претседателот на Уставниот суд д-р Владимир Кристо.

Во периодот од 5 до 6 октомври 2007 година во Ереван, Ерменија се одржа XII–та Меѓународна Конференција на тема: „Меѓународното искуство во соработката меѓу уставните судови и народните правобранители во полето на  обезбедувањето и заштитата на човековите права“ на која учествуваше судијата на Уставниот суд на Република Македонија, г-дин Бранко Наумоски во придружба на г-ца…

На покана од претседателот на Уставниот суд на Република Македонија г-дин Махмут Јусуфи, делегација на Уставниот суд на Република Бугарија од 3 – 6 октомври 2007 година ќе престојува во официјална посета на Уставниот суд на Република Македонија. Делегацијата на Уставниот суд на Република Бугарија ќе биде предводена од претседателот на Уставниот суд г-дин Румен Јанков.

Делегација на Уставниот суд на Република Македонија составена од д-р Трендафил Ивановски и Игор Спировски, судии на Уставниот суд, од 5-7 септември 2007 година, престојуваа во Талин, Естонија каде што учествуваа на Меѓународна конференција на тема: Политички прашања во уставно-судската контрола: која е линијата на поделба помеѓу мешањето во политичкото одлучување и уставно-судската контрола“. Конференцијата…

Средба на судиите од Уставниот суд со Претседателот на Република Македонија, Н.Е.Бранко Црвенковски во Охрид