Уставниот суд денеска ја одржа 17 седница со Дневен ред на кој се одлучуваше за две Нацрт-решенија:
1. У.бр.238/2024
Судот одлучи да ја запре постапката за оценување на уставноста на член 3 став 1 од Одлуката за измена и дополнување на Одлуката за усвојување на ценовник за собирање и транспорт на отпад на територија на Општина Тетово, бр. 08-4692/2 од 05.04.2024 година, донесена од Советот на Општина Тетово („Службен гласник на Општина Тетово“ бр.5/2024 од 08.04.2024 година). Ова е одлучено бидејќи Општината, како доносител на горенаведената Одлука извршила корекции и промена на содржината на истата, со што се исполнети условите за запирање на постапката, согласно член 39 алинеја 1 од Актот.
Од претходно објавените информации за овој предмет: https://ustavensud.mk/archives/34505
2. У.бр.137/2017
Судот одлучи да ја запре постапката за оценување на уставноста на членовите 176, 177 и 178 од Законот за електронските комуникации („Службен весник на Република Македонија“ бр.39/2014, 188/2014, 44/2015, 193/2015, 11/2018 и 21/2018 и „Службен весник на Република Северна Македонија“ број 98/19, 153/19, 92/2021), бидејќи на 04.07.2025 година во Службен весник на Република Северна Македонија бр.135 е објавен нов Закон за електронски комуникации. Врз основа на наведеното, Судот оцени дека се исполнети условите од член 39 алинеја 5 од Актот за запирање на постапката.
Од претходно објавените информации за овој предмет: https://ustavensud.mk/archives/30896