Претседателот на Уставиот суд, д-р Дарко Костадиновски и претседателот на Врховниот уставен суд на Арапската Република Египет, Булос Фатимп Искандар потпишаа Протокол за соработка меѓу двата суда.
Со овој протокол се воспоставува рамка за размена на судска практика, искуства и експертиза за унапредување на техниките на судско одлучување и за зајакнување на институционалната соработка меѓу двата уставни суда.
По повод потпишувањето на Протоколот, двајцата претседатели изразија задоволство и уверување дека со овој документ се воспоставуваат нови перспективи за натамошно унапредување на соработката.
Разговорите се одвиваа во насока на билатерална размена на знаења и практики, се дискутираше и од аспект на проширување на соработката на меѓународен план, со цел информирање и градење на ставови во рамки на Светската конференција на уставни судови.
Посетата во Египет е по повод учесто на претседателот Костадиновски на Состанокот на највисоко ниво на африканските уставни судови, на кој присуствуваат и претседателот на Уставниот суд на Шпанија, Кандидо Конде-Пумпидо кој ја претставува Светската конференција на уставни судови, Елена-Симина Танасеску како претседавач на Асоцијацијата на уставни судови на Франкофонијата.
Претседателот Костадиновски денеска ќе одржи говор за „Уставното судство во Република Северна Македонија, патот од строг формализам до жив конституционализам”.
Посетата во Египет е по повод учесто на претседателот Костадиновски на Состанокот на највисоко ниво на африканските уставни судови, на кој присуствуваат и претседателот на Уставниот суд на Шпанија,Кандидо Конде-Пумпидо кој ја претставува Светската конференција на уставни судови, Елена-Симина Танасеску како претседавач на Асоцијацијата на уставни судови на Франкофонијата.
Костадиновски покрај тоа што го претставува Уставниот суд на Република Северна Македонија, е во својство и на претседавач и претставник на Балканскиот форум на уставни судови.
Претседателот Костадиновски денеска ќе одржи говор за „уставното судство во Република Северна Македонија, патот од строг формализам до жив конституционализам”.
На маргините на настанот, претседателот Костадиновски денеска се сретна со претседателот на турскиот Уставен суд, Кадир Озкаја, претседателката на Уставниот суд на Алжир, Лејла Аслои.
Костадиновски оствари средба со Јунг Јунгми, судијка на Уставниот суд на Кореја, на која беше истакнато задоволство од развивање на соработката и најавено присуство на претставници од Судот во Кореја на 4. Конгрес на Балканскиот форум на уставни судови кој ќе се одржи од 12-14 ноември во Охрид.
