УЗ.бр.17/2025 – Уставен суд на Република Северна Македонија

Уставен суд на
Република Северна Македонија
УЗ.бр.17/2025
Скопје, 17.09.2025 година

Уставниот суд на Република Северна Македонија, во состав д-р Дарко Костадиновски, претседател на Судот и судиите Насер Ајдари, м-р Татјана Васиќ-Бозаџиева, д-р Јадранка Дабовиќ-Анастасовска, д-р Осман Кадриу, Добрила Кацарска, д-р Ана Павловска-Данева и м-р Фатмир Скендер, врз основа на член 110 од Уставот на Република Северна Македонија и член 73 од Актот на Уставниот суд на Република Северна Македонија („Службен весник на Република Северна Македонија” бр.115/2024), на седницата одржана на 17 септември 2025 година, донесе

Р Е Ш Е Н И Е

НЕ СЕ ПОВЕДУВА постапка за оценување на уставноста и законитоста на член 2 став 1 од Правилникот за проценка на средствата на задолжителните и доброволните пензиски фондови („Службен весник на Република Македонија“ бр. 138/2008, 55/2013 и 218/2018 и „Службен весник на Република Северна Македонија“ бр. 41/2019, 250/2019, 103/2024 и 51/2025).

Образложение

Игорчо Точев од Скопје, до Уставниот суд на Република Северна Македонија поднесе иницијатива за поведување постапка за оценување на уставноста и законитоста на одредбата од Правилникот означен во диспозитивот на ова решение.

Во иницијативата се наведува дека член 2 став 1 од Правилникот за проценка на средствата на задолжителните и доброволните пензиски фондови („Службен весник на Република Македонија“ бр. 138/2008, 55/2013 и 218/2018 и „Службен весник на Република Северна Македонија“ бр. 41/2019, 250/2019, 103/2024 и 51/2025) е спротивен на член 83 став 1 од Законот за задолжително капитално финансирано пензиско осигурување („Службен весник на Република Македонија“ бр. 29/2002, 85/2003, 40/2004, 113/2005, 29/2007, 88/2008, 48/2009, 50/2010, 171/2010, 36/2011, 98/2012, 13/2013, 164/2013, 44/2014, 192/2015, 30/2016, 21/2018 и 245/2018 и „Службен весник на Република Северна Македонија“ бр. 180/2019 и 103/2021).

Имено, според наводите во иницијативата, согласно со член 2 став 1 од Правилникот за проценка на средствата на задолжителните и доброволните пензиски фондови, пензиското друштво и чуварот на имот ја определуваат вредноста на средствата на пензискиот фонд, користејќи ја методологијата утврдена во членовите 5, 6, 7 и 8 од овој правилник.

Исто така, во иницијативата се наведува дека Правилникот за проценка на средствата на задолжителните и доброволните пензиски фондови е донесен врз основа на член 83 став 3, член 84 ставови 1 и 2 и член 87 од Законот за задолжително капитално финансирано пензиско осигурување осигурување.

Подносителот наведува дека согласно член 83 став 1 од Законот за задолжително капитално финансирано пензиско осигурување, вредноста на средствата на пензискиот фонд се утврдува врз основа на пазарната вредност на секое поединечно средство, а според ставот 3 од истиот член, начинот на процена на средствата на пензиските фондови и пресметување на вредноста на нивните нето средства поблиску го пропишува Агенцијата.

Според наводите во иницијативата со оспорената одредба, се дозволува на пензиското друштво и чуварот на имот да ја определуваат вредноста на средствата на пензискиот фонд, користејќи ја методологијата утврдена во членовите 5, 6, 7 и 8 од Правилникот. Од содржината на цитираната одредба од член 83 став 3 од Законот за задолжително капитално финансирано пензиско осигурување во ниту еден момент не се пропишува можноста Советот на експерти или Агенцијата за супервизија на капитално финансирано пензиско осигурување или кој било друг орган кој врши или би требало да врши супервизија над пензиските друштва, да може врз основа на подзаконски акт да го овласти самото пензиско друштво да ја определи вредноста на средствата на пензискиот фонд.

Во таа насока се наведува дека со оспорената одредба, Советот на експерти на Агенцијата за супервизија на капитално финансирано пензиско осигурување излегол надвор од она што е со Устав и закон дозволено кога ја пропишал одредбата којашто е оспорена, што не е во согласност со начелото на владеење на правото пропишано со Уставот, а истото не наоѓа основа во цитираната одредба од член 83 став 3 од Законот или од кој било друг член од Законот.

Имајќи го предвид наведеното, подносителот предлага Судот да поведе постапка за оценување на уставноста и законитоста на оспорената одредба и да донесе решение за запирање на извршувањето на поединечни акти или дејствија што се преземени врз основа на оспорената одредба, по што истата ќе ја укине како спротивна на Уставот и законот.

На седницата Судот утврди дека согласно со член 2 став 1 од Правилникот за проценка на средствата на задолжителните и доброволните пензиски фондови („Службен весник на Република Македонија“ бр. 138/2008, 55/2013 и 218/2018 и „Службен весник на Република Северна Македонија“ бр. 41/2019, 250/2019, 103/2024 и 51/2025), пензиското друштво и чуварот на имот ја определуваат вредноста на средствата на пензискиот фонд, користејќи ја методологијата утврдена во членовите 5, 6, 7 и 8 од овој правилник.

III

Според член 8 став 1 алинеја 3 од Уставот, владеењето на правото претставува темелна вредност на уставниот поредок на Република Северна Македонија.

Согласно со член 110 алинеја 2 од Уставот, Уставниот суд на Република Северна Македонија одлучува за согласноста на другите прописи и на колективните договори со Уставот и со законите.

Правилникот за проценка на средствата на задолжителните и доброволните пензиски фондови во кој е содржана оспорената одредба, е донесен врз основа на член 83 став 3, член 84 ставови 1 и 2 и член 87 од Законот за задолжително капитално финансирано пензиско осигурување осигурување („Службен весник на Република Македонија” бр. 29/2002, 85/2003, 40/2004, 113/2005, 29/2007, 88/2008, 48/2009, 50/2010, 171/2010, 36/2011, 98/2012, 13/2013, 164/2013, 44/2014, 192/2015, 30/2016, 21/2018 и 245/2018 и „Службен весник на Република Северна Македонија“ бр. 180/2019 и 103/2021).

Согласно со член 83 став 1 од Законот за задолжително капитално финансирано пензиско осигурување, вредноста на средствата на задолжителниот пензиски фонд се утврдува врз основа на пазарната вредност на секое поединечно средство. Во став 2 од истиот член е пропишано дека вредноста на нето средствата на задолжителниот пензиски фонд се утврдува со намалување на обврските на задолжителниот пензиски фонд, освен обврските кон членовите и пензионираните членови на задолжителниот пензиски фонд, од вредноста на средствата на задолжителниот пензиски фонд. Став 3 предвидува дека начинот на процена на средствата на пензиските фондови и пресметување на вредноста на нивните нето средства поблиску го пропишува Агенцијата.

Според член 84 став 1 од истиот закон, претворањето на средствата од придонесите во сметководствени единици се врши на претходно утврдени датуми (датуми на процена), врз основа на вредноста на сметководствените единици на тој датум. Датумот на процена секогаш е во последниот работен ден секој месец. Агенцијата пропишува пократки рокови на датум на процена, доколку капитално финансираното пензиско осигурување и финансискиот пазар наметнуваат потреба. Во став 2 се предвидува дека вредноста на една сметководствена единица на првиот датум на процена по првата уплата на придонеси во задолжителен пензиски фонд поблиску ја пропишува Агенцијата. Став 3 од истиот член пропишува дека сè до претворањето на придонесите во сметководствени единици истите се чуваат на посебна сметка на задолжителниот пензиски фонд. Каматата на тие средства претставува приход на задолжителниот пензиски фонд.

Согласно со член 87 од истиот закон, Агенцијата поблиску ги уредува: Методологијата на пресметување на приносот на пензиските фондови и методите за заокружување на тие вредности и датумот на кој друштвото или друштво за управување со задолжителни и доброволни пензиски фондови е должно да ја извести Агенцијата за вредноста на нето средствата на задолжителниот пензиски фонд, прецизната методологија за утврдување на датумите на крајот на јуни и декември со чија состојба ќе се прават пресметките, методологијата за процената, вредноста на сметководствената единица, приносот на односниот задолжителен пензиски фонд и за начинот на таквото известување.

Во однос на оценувањето на уставноста и законитоста на основаноста на оспорената одредба релевантни се и одредбите од член 85 од Законот за задолжително капитално финансирано пензиско осигурување.

Согласно со член 85 став 1 од Законот, вредноста на нето средствата на задолжителниот пензиски фонд се пресметува на секој датум на процена, за што веднаш се известува Агенцијата. Во став 2 од истиот член е наведено дека нa секој датум на процена се пресметува и вредноста на сметководствената единица на тој задолжителен пензиски фонд, за што друштвото или друштвото за управување со задолжителни и доброволни пензиски фондови веднаш ја известува Агенцијата. Став 3 од истиот член пропишува дека пресметките од ставовите 1 и 2 на овој член ги врши друштвото или друштвото за управување со задолжителни и доброволни пензиски фондови, а ги потврдува чуварот на имот и тие се предмет на контрола на Агенцијата. Во став 4 е утврдено дека друштвото или друштвото за управување со задолжителни и доброволни пензиски фондови е должно да ја промени проценетата вредност за одредена хартија од вредност по барање на Агенцијата доколку таа при контролата утврди дека тоа друштво при процената користело несоодветно пресметана цена за хартијата од вредност или објективната вредност не одговара на вистинската состојба на пазарот, како и кога се загрозени интересите на членовите и пензионираните членови.

Во оспорената одредба од член 2 став 1 од Правилникот за проценка на средствата на задолжителните и доброволните пензиски фондови е уредено дека пензиското друштво и чуварот на имот ја определуваат вредноста на средствата на пензискиот фонд, користејќи ја методологијата утврдена во член 5, 6, 7 и 8 од овој правилник.

Согласно со горенаведените законски одредби, пресметките ги врши друштвото за управување со пензиски фондови, додека Агенцијата го утврдува начинот на пресметка. Во Правилникот, Агенцијата ја пропишала соодветната методологија, врз основа на која друштвата вршат пресметки, како што е утврдено и во оспорената одредба.

Правилникот, донесен од страна на Агенцијата за супервизија на капитално финансирано пензиско осигурување, има правен основ во законската регулатива со што Агенцијата не ги пречекорила своите законски надлежности, туку напротив го имплементирала она што е утврдено со закон поради што наводот во иницијативата дека пресметката треба директно да ја врши Агенцијата, не е основан.

Од утврдената фактичка состојба и правната анализа на оспорените одредби, Судот оцени дека оспорената одредба е во согласност со член 83 став 3 од Законот за задолжително капитално финансирано пензиско осигурување.

Врз основа на наведеното, Судот одлучи како во диспозитивот на ова решение.

ПРЕТСЕДАТЕЛ
на Уставниот суд на Република Северна Македонија,
д-р Дарко Костадиновски

* * *

Gjykata Kushtetuese e
Republikës së Maqedonisë së Veriut
KL.nr.17/2025
Shkup, 17.09.2025

Gjykata Kushtetue e Republikës së Maqedonisë së Veriut, në përbërje të Kryetarit të Gjykatës, dr. Darko Kostadinovski dhe gjykatësve Naser Ajdari, mr.Tatjana Vasiq-Bozaxhieva, dr.Jadranka Daboviq-Anastasovska, dr. Osman Kadriu, Dobrilla Kacarska, dr. Ana Pavllovska-Daneva dhe mr. Fatmir Skender, në bazë të nenit 110 të Kushtetutës së Republikës së Maqedonisë së Veriut dhe nenit 73 të Aktit të Gjykatës Kushtetuese të Republikës së Maqedonisë së Veriut („Gazeta Zyrtare e Republikës së Maqedonisë së Veriut“ nr.115/2024), në mbledhjen e mbajtur më 17 shtator 2025, miratoi

A K T V E N D I M

NUK INICOHET procedura për vlerësimin e kushtetutshmërisë dhe ligjshmërisë së nenit 2 paragrafi 1 të Rregullores për vlerësimin e mjeteve të fondeve të pensionale të detyrueshme dhe vullnetare (“Gazeta Zyrtare e Republikës së Maqedonisë” nr. 138/2008, 55/2013 dhe 218/2018 dhe “Gazeta Zyrtare e Republikës së Maqedonisë së Veriut” nr. 41/2019, 250/2019, 103/2024 dhe 51/2025).

Arsyetim

Igorço Toçev nga Shkupi parashtroi iniciativë në Gjykatën Kushtetuese të Republikës së Maqedonisë së Veriut për inicimin e procedurës për vlerësimin e kushtetutshmërisë dhe ligjshmërisë së dispozitës së Rregullores së shënuar në pjesën dispozitive të këtij aktvendimi.

Në iniciativë theksohet se neni 2, paragrafi 1 i Rregullores për vlerësimin e mjeteve të fondeve pesionale të detyrueshme dhe vullnetare (“Gazeta Zyrtare e Republikës së Maqedonisë” nr. 138/2008, 55/2013 dhe 218/2018 dhe “Gazeta Zyrtare e Republikës së Maqedonisë së Veriut” nr. 41/2019, 250/2019, 103/2024 dhe 51/2025) është në kundërshtim me nenin 83, paragrafi 1 të Ligjit për sigurimin e detyrueshëm Pensional me financim Kapital (“Gazeta Zyrtare e Republikës së Maqedonisë” nr. 29/2002, 85/2003, 40/2004, 113/2005, 29/2007, 88/2008, 48/2009, 50/2010, 171/2010, 36/2011, 98/2012, 13/2013, 164/2013, 44/2014, 192/2015, 30/2016, 21/2018 dhe 245/2018 dhe “Gazeta Zyrtare e Republikës së Maqedonisë së Veriut” nr. 180/2019 dhe 103/2021).

Konkretisht, sipas deklaratave në iniciativë, në përputhje me nenin 2 paragrafi 1 të Rregullores për vlerësimin e mjeteve të fondeve pensionale të detyrueshme dhe vullnetare, shoqëria pensionale dhe kujdestari i pronës përcaktojnë vlerën e mjetev të fondit pensional, duke përdorur metodologjinë e përcaktuar në nenet 5, 6, 7 dhe 8 të kësaj Rregulloreje.

Në iniciativë thuhet gjithashtu se Rregulloreja për vlerësimin e mjeteve të fondeve pensionale të detyrueshme dhe vullnetare është miratuar në bazë të nenit 83 paragrafi 3, nenit 84 paragrafët 1 dhe 2 dhe nenit 87 të Ligjit për sigurimin e detyrueshëm pensional me financim kapital.

Parashtruesi thekson se në përputhje me nenin 83 paragrafi 1 të Ligjit për sigurimin e detyrueshëm pensional me financim kapital, vlera e mjeteve të fondit pensional përcaktohet në bazë të vlerës së tregut të secilit për çdo mjet në mënyrë individuale dhe sipas paragrafit 3 të të njëjtit nen, mënyra e vlerësimit të mjeteve të fondeve pensionale dhe llogaritjes së vlerës së mjeteve të tyre neto përcaktohet më hollësisht nga Agjencia.

Sipas pretendimeve në iniciativë, dispozita e kontestuar i lejon shoqërisë së pensioneve dhe kujdestarit të pronës të përcaktojnë vlerën e mjeteve të fondit pensional, duke përdorur metodologjinë e përcaktuar në nenet 5, 6, 7 dhe 8 të Rregullores. Nga Përmbajtja e dispozitës së cituar të nenit 83, paragrafi 3 të Ligjit për sigurimin e detyrueshëm pensional me financim kapital nuk përcakton në asnjë moment mundësia që Këshilli i Ekspertëve ose Agjencia për Mbikëqyrjen e Sigurimit Pensional me Financim Kapital ose çdo organ tjetër që kryen ose duhet të kryejë mbikëqyrje mbi shoqërinë e pensioneve, mundet, në bazë të një akti nënligjor, të autorizojë vetë shoqërinë e pensioneve të përcaktojë vlerën e mjeteve të fondit të pensioneve.

Lidhur me këtë, thuhet se me dispozitën e kontestuar, Këshilli i Ekspertëve të Agjencisë për Mbikëqyrjen e Sigurimit Pensional me Financim Kapital ka shkuar përtej asaj që lejohet nga Kushtetuta dhe ligji që ka përcaktuar dispozitën e kontestuar, e cila nuk është në përputhje me parimin e sundimit të së drejtëst të përcaktuar me Kushtetutë dhe nuk gjen bazë në dispozitën e cituar të nenit 83, paragrafi 3 të Ligjit ose në ndonjë nen tjetër të Ligjit.

Duke marrë parasysh sa më sipër, parashtruesi propozon që Gjykata të inicojë procedurë për vlerësimin e kushtetutshmërisë dhe ligjshmërisë së dispozitës së kontestuar dhe të miratojë aktvendim për ndalimin e zbatimit të akteve ose veprimeve individuale të ndërmarra në bazë të dispozitës së kontestuar, me çka e njëjta do ta shfuqizojë atë si në kundërshtim me Kushtetutën dhe ligjin.

Në seancë, Gjykata përcaktoi se në përputhje me nenin 2, paragrafi 1 të Rregullores për vlerësimin e mjeteve të fondeve pensionale të detyrueshme dhe vullnetare (“Gazeta Zyrtare e Republikës së Maqedonisë” nr. 138/2008, 55/2013 dhe 218/2018 dhe “Gazeta Zyrtare e Republikës së Maqedonisë së Veriut” nr. 41/2019, 250/2019, 103/2024 dhe 51/2025), shoqëria pensionale dhe kujdestari i pronës përcaktojnë vlerën e mjeteve të fondit pensional, duke përdorur metodologjinë e përcaktuar në nenet 5, 6, 7 dhe 8 të kësaj Rregulloreje.

III

Sipas nenit 8, paragrafi 1, alineja 3 të Kushtetutës, sundimi i së drejtës është vlerë themelore e rendit kushtetues të Republikës së Maqedonisë së Veriut.

Në përputhje me nenin 110, alineja 2 të Kushtetutës, Gjykata Kushtetuese e Republikës së Maqedonisë së Veriut vendos për përputhshmërinë e rregullave të tjera dhe marrëveshjeve kolektive me Kushtetutën dhe ligjet.

Rregulloreja për vlerësimin e mjeteve të fondeve pensionale të detyrueshme dhe vullnetare, e cila përmban dispozitën e kontestuar, është miratuar në bazë të nenit 83 paragrafi 3, nenit 84 paragrafët 1 dhe 2 dhe nenit 87 të Ligjit për sigurimin e detyrueshëm pensional me financim kapital (“Gazeta Zyrtare e Republikës së Maqedonisë” nr. 29/2002, 85/2003, 40/2004, 113/2005, 29/2007, 88/2008, 48/2009, 50/2010, 171/2010, 36/2011, 98/2012, 13/2013, 164/2013, 44/2014, 192/2015, 30/2016, 21/2018 dhe 245/2018 dhe “Gazeta Zyrtare e Republikës së Maqedonisë së Veriut” nr. 180/2019 dhe 103/2021).

Në përputhje me nenin 83 paragrafi 1 të Ligjit për sigurimin e detyrueshëm pensional me financim kapital, vlera e mjeteve të fondit të detyrueshëm pensional përcaktohet në bazë të vlerës së tregut të secilit mjet në mënyrë individuale. Paragrafi 2 i të njëjtit nen përcakton se vlera e mjeteve neto të fondit të detyrueshëm pensional përcaktohet duke zvogëluar obligimet e fondit të detyrueshëm pensional, përveç obligimeve ndaj anëtarëve dhe anëtarëve të pensionuar të fondit të detyrueshëm pensional, nga vlera e mjeteve të fondit të detyrueshëm pensional. Paragrafi 3 përcakton se mënyra e vlerësimit të mjeteve të fondeve pensionale dhe llogaritjes së vlerës së mjeteve të tyre neto do të përshkruhet më hollësisht nga Agjencia.

Sipas nenit 84, paragrafi 1 i të njëjtit ligj, konvertimi i mjeteve të kontribuiteve në njësi kontabël kryhet në data të përcaktuara më parë (data e vlerësimit), bazuar në vlerën e njësive kontabël në atë datë. Data e vlerësimit është gjithmonë dita e fundit e punës e çdo muaji. Agjencia përcakton afate më të shkurtra për datën e vlerësimit, nëse sigurimi i detyrueshëm pensional me financim kapital dhe tregu financiar e imponojnë nevojë. Paragrafi 2 përcakton se vlera e një njësie kontabël në datën e parë të vlerësimit pas pagesës së parë të kontributeve në fondin e detyrueshëm pensional përcaktohet më hollësisht nga Agjencia. Paragrafi 3 i të njëjtit nen përcakton se deri në shndërrimin e kontributeve në njësi kontabël, ato mbahen në një llogari të veçantë të fondit të detyrueshëm pensional. Interesi mbi ato mjete paraqet të ardhura të fondit të detyrueshëm pensional.

Në përputhje me nenin 87 të të njëjtit ligj, Agjencia rregullon më hollësisht: Metodologjinë për llogaritjen e rendimentit të fondeve të pensioneve dhe metodat për rrumbullakimin e këtyre vlerave dhe datën në të cilën shoqëria ose shoqëria për menaxhimin e fondeve të pensioneve të detyrueshme dhe vullnetare është e detyruar të njoftojë Agjencinë për vlerën e mjeteve neto të fondit të detyrueshëm pensional, metodologjinë e saktë për përcaktimin e datave në fund të qershorit dhe dhjetorit me statusin e të cilave do të bëhen llogaritjet, metodologjinë për vlerësimin, vlerën e njësisë kontabël, rendimentin e fondit përkatës të pensioneve të detyrueshme dhe mënyrën e raportimit të tillë.

Lidhur me vlerësimin e kushtetutshmërisë dhe ligjshmërisë së meritave të dispozitës së kontestuar, janë gjithashtu relevante dispozitat e nenit 85 të Ligjit për sigurimin e detyrueshëm pensional me financim kapital.

Në përputhje me nenin 85 paragrafi 1 të Ligjit, vlera e mjeteve neto të fondit të detyrueshëm pensional llogaritet në çdo datë vlerësimi, për të cilën Agjencia njoftohet menjëherë. Paragrafi 2 i të njëjtit nen përcakton se në çdo datë vlerësimi, llogaritet edhe vlera e njësisë kontabël të atij fondi të detyrueshëm pensional, për të cilën shoqëria ose shoqëria për menaxhimin e fondeve të pensioneve të detyrueshme dhe vullnetare duhet të njoftojë menjëherë Agjencinë. Paragrafi 3 i të njëjtit nen përcakton se llogaritjet nga paragrafët 1 dhe 2 të këtij neni duhet të kryhen nga shoqëria ose shoqëria për menaxhimin e fondeve të pensioneve të detyrueshme dhe vullnetare dhe duhet të konfirmohen nga kujdestari i pronës dhe ato duhet t’i nënshtrohen kontrollit nga Agjencia. Paragrafi 4 përcakton se shoqëria ose shoqëria për menaxhimin e fondeve të pensioneve të detyrueshme dhe vullnetare është e detyruar të ndryshojë vlerën e parashikuar për letër me vlerë të caktuar me kërkesë të Agjencisë nëse, gjatë kontrollit, përcakton se ajo shoqëri ka përdorur një çmim të llogaritur në mënyrë të papërshtatshme për letrën me vlerë në vlerësim ose vlera e drejtë nuk korrespondon me situatën aktuale të tregut, si dhe kur rregikohen interesat e anëtarëve dhe anëtarëve të pensionuar.

Dispozita e kontestuar e nenit 2, paragrafi 1 të Rregullores për vlerësimin e mjeteve të fondeve pensionale të detyrueshme dhe vullnetare përcakton që shoqëria pensionale dhe kujdestari i pronës përcaktojnë vlerën e mjeteve të fondit të pensioneve, duke përdorur metodologjinë e përcaktuar në nenet 5, 6, 7 dhe 8 të kësaj Rregulloreje.

Në përputhje me dispozitat ligjore të lartpërmendura, llogaritjet kryhen nga kompania e menaxhimit të fondit të pensioneve, ndërsa Agjencia përcakton metodën e llogaritjes. Në Rregullore, Agjencia ka përcaktuar metodologjinë përkatëse, në bazë të së cilës shoqëritë kryejnë llogaritjet, siç përcaktohet edhe në dispozitën e kontestuar.

Rregulloreja, e miratuar nga Agjencia për Supervizion të Sigurimit Pensional me Financim Kapital, ka një bazë ligjore në rregulloren ligjore, ku Agjencia nuk i ka tejkaluar kompetencat e saj ligjore, por përkundrazi ka zbatuar atë që është përcaktuar në ligj, prandaj pretendimi në iniciativë se llogaritja duhet të kryhet drejtpërdrejt nga Agjencia është i pabazuar.

Bazuar në situatën e vërtetuar faktike dhe analizën ligjore të dispozitave të kontestuara, Gjykata vlerësoi se dispozita e kontestuar është në përputhje me nenin 83 paragrafi 3 të Ligjit për sigurimin e detyrueshëm pensional me financim kapital.

Bazuar në sa më sipër, Gjykata vendosi si në dispozitivin e këtij aktvendimi.

KRYETAR
i Gjykatës Kushtetuese të Republikës së Maqedonisë së Veriut,
dr. Darko Kostadinovski