На 28 мај 2025 година Уставниот суд ја одржа 11. седница со Дневен ред на којшто се дискутираше по седум иницијативи за оценување на уставност и законитост и одлучи:
I- ИНИЦИЈАТИВИ ЗА ОЦЕНУВАЊЕ НА УСТАВНОСТ И ЗАКОНИТОСТ
1. Реферат У.бр.146/2024
Оспорен: Член 13 став 2 во делот „и заклучок“ од Законот за извршување(Службен Весник на Република Северна Македонија“ број 72/2016, 142/2016, 178/2017, 26/2018, 233/2018, 14/2020, 86/2020, 136/2020 и 154/2023).
Судот не донесе одлука во овој предмет поради недоволното мнозинство гласови во фазата на гласање.
Подносител: Оливер Давидовски од Скопје
2. Реферат У.бр.196/2024
Се отфрли иницијативата за оценување на Член 115, 116 и 117 од Законот за пензиското и инвалидско осигурување („Службен весник на Република Македонија“ бр.98/2012, 166/2012, 15/2013, 170/2013, 43/2014, 44/2014, 97/2014, 113/2014, 160/2014, 188/2014, 20/2015, 61/2015, 97/2015, 129/2015, 147/2015, 154/2015, 173/2015, 217/2015, 27/2016, 120/2016, 132/2016, 35/18, 220/18 и 245/18 и „Службен весник на Република Северна Македонија“ бр.180/19, 275/19, 31,20 267/20, 67/22, 79/23 и 193/23).
Подносител на иницијативата: Здравко Тумбовски
3. Реферат У.бр.250/2024
Не се поведува постапка за оценување на уставноста на член 1 од Законот за дополнување на Законот за облигационите односи („Службен весник на Република Северна Македонија“ бр.215/2021) и се отфрла иницијативата за поведување на постапка за оценување на уставноста на:
– член 1 од Законот за изменување и дополнување на Законот за облигационите односи („Службен весник на Република Северна Македонија“ бр.154/2023) и
– член 1 од Законот за изменување и дополнување на Законот за извршување („Службен весник на Република Северна Македонија“ бр.154/2023).
Подносител на иницијативата: Ѓорѓи Андов
4. Реферат У.бр.8/2025
Се отфрла иницијативата за поведување постапка за оценување уставноста на член 39 став 3 во делот: „членот 38 став 3 од“ од Закон за градежните производи („Службен весник на Република Македонија“ бр.104/2015, 192/2015, 53/2016 и 120/2018 и „Службен весник на Република Северна Македонија“ бр.150/2021 и 16/2025).
Подносител на иницијативата: Игорчо Точев
5. Реферат У.бр.262/2024
Се отфрла иницијативата за поведување постапка за оценување уставноста и законитоста на член 47 став 2 во делот „спогодба“ од Општиот колективен договор за јавниот сектор („Службен весник на Република Северна Македонија“ број 154/2023).
Подносител на иницијативата: Игорчо Точев
6. Реферат У.бр.158/2024
Не се поведува постапка за оценување на уставноста и законитоста на Одлуката за донесување на ДУП за Градска четврт С3 16 Општина Ѓорче Петров, Скопје од 17.02.2024 година
Подносител: Данела Арсовска, градоначалник на Град Скопје
7. Реферат У.бр.236/2024
Не се поведува постапка за оценување на Листа на стоматолошки услуги со минимални(референтни цени) на Извршен одбор на Стоматолошката комора на Македонија од 24.04.2024
Подносител на иницијативата: Филип Стојковски