У.бр.172/2024 – Уставен суд на Република Северна Македонија

Уставен суд на
Република Северна Македонија
У.бр.172/2024
Скопје, 19.02.2025 година

Уставниот суд на Република Северна Македонија, во состав д-р Дарко Костадиновски, претседател на Судот и судиите Насер Ајдари, м-р Татјана Васиќ-Бозаџиева, д-р Јадранка Дабовиќ-Анастасовска, Елизабета Дуковска, д-р Осман Кадриу, Добрила Кацарска и м-р Фатмир Скендер, врз основа на член 110 од Уставот на Република Северна Македонија, член 36 став 1 и член 73 алинеја 1 од Актот на Уставниот суд на Република Северна Македонија („Службен весник на Република Северна Македонија” бр.115/2024), на седницата одржана на 19.02.2025 година, донесе

Р Е Ш Е Н И Е

1. СЕ ПОВЕДУВА постапка за оценување на уставноста и законитоста на Правилникот за формата и содржината на Јавниот оглас, начин на поднесување на пријавата за вработување на давателите на услуги – здравствени работници и соработници, како и начинот на спроведување на постапката за селекција на кандидатите за работното место за кое е објавен јавниот оглас, рангирање, тестирање и спроведување на интервју бр.02-1186/2 од 13.10.2023 година, донесен од Управниот одбор на ЈЗУ Клиничка болница „д-р Трифун Пановски“ – Битола.

2. Ова решение ќе се објави во „Службен весник на Република Северна Македонија”.

Образложение

Игор Раденков од Битола, до Уставниот суд поднесе иницијатива за оценување на уставноста и законитоста на Правилникот за формата и содржината на Јавниот оглас, начин на поднесување на пријавата за вработување на давателите на услуги – здравствени работници и соработници, како и начинот на спроведување на постапката за селекција на кандидатите за работното место за кое е објавен јавниот оглас, рангирање, тестирање и спроведување на интервју бр.02-1186/2 од 13.10.2023 година и посебно членовите 5, 8 и 18 од истиот правилник, донесен од Управниот одбор на ЈЗУ Клиничка болница „д-р Трифун Пановски“ – Битола, како спротивен на член 32 од Уставот на Република Северна Македонија, член 55 од Законот за организација и работа на органите на државната управа и членовите 160 и 161 од Законот за здравствена заштита и член 6 од Законот за вработените во јавниот сектор.

Според подносителот на иницијативата, Управниот одбор на ЈЗУ Клиничка болница „д-р Трифун Пановски“ – Битола нема надлежност да донесува правилници како подзаконски акти, како и дека од законските одредби јасно произлегува кои органи на управата имаат право да носат правилници за доработување на некои постапки и правни работи.

Во продолжението на иницијативата, подносителот ги цитира членовите 160 и 161 од Законот за здравствена заштита, според кои не се предвидува носење правилник за регулирање бодови од интервју бидејќи тоа е уредено со Законот. Меѓутоа со одредбите од Правилникот интервјуто се бодува многу повеќе од успехот на медицинските студии и стручниот испит. Законот го предвидува интервјуто, само доколку врз основа на бодовите не може да се направи ранг-листа, односно ако има кандидати со ист број бодови, при што самото интервју не може да носи 80 бода, кога во Законот се пропишани вкупно 100 бода за целата постапка.

Поради горенаведеното, подносителот предлага да се поведе постапка за оценување на уставноста и законитоста на Правилникот и истиот да се укине или поништи.

На седницата Судот утврди дека Управниот одбор на ЈЗУ Клиничка болница „д-р Трифун Пановски“ – Битола врз основа на членовите 6, 20-г и 20-д од Законот за вработените во јавниот сектор („Службен весник на Република Македонија“ бр. 27/2014, 199/2014, 27/2016, 35/2018 и 198/2018 и „Службен весник на Република Северна Македонија“ бр.143/2019 и 14/2020) и членовите 159, 160 и 161 од Законот за здравствена заштита („Службен весник на Република Македонија“ бр.43/2012, 145/2012, 87/2013, 164/2013, 39/2014, 43/2014, 132/2014, 188/2014, 10/2015, 61/2015, 154/2015, 192/2015, 17/2016, 37/2016, 20/2019 и „Службен весник на Република Северна Македонија“ бр. 101/2019, 153/2019, 180/2019, 275/2019, 77/2021, 122/2021, 178/2021, 150/2022, 236/2022 и 199/2023), како и врз основа на член 18 од Статутот на ЈЗУ Клиничка болница – Битола, на седницата одржана на ден 13.10.2023 година, донел Правилник за формата и содржината на Јавниот оглас, начин на поднесување на пријавата за вработување на давателите на услуги-здравствени работници и соработници, како и начинот на спроведување на постапката за селекција на кандидатите за работното место за кое е објавен јавниот оглас, рангирање, тестирање и спроведување на интервју бр.02-1186/1, кој содржи 21 член.

III

Според член 8 став 1 алинеја 3 од Уставот на Република Северна Македонија, владеењето на правото е темелна вредност на уставниот поредок на Република Северна Македонија.

Согласно со член 51 од Уставот, во Република Северна Македонија законите мораат да бидат во согласност со Уставот, а сите други прописи со Уставот и со закон. Секој е должен да ги почитува Уставот и законите.

Според член 110 алинеја 2 од Уставот, Уставниот суд на Република Северна Македонија одлучува за согласноста на другите прописи и на колективните договори со Уставот и со законите.

Во член 55 од Законот за организација и работа на органите на државната управа („Службен весник на Република Македонија“ бр.58/2000, 44/2002, 13/2006, 82/2008, 167/2010, 36/2011, 51/2011 и „Службен весник на Република Северна Македонија“ бр. 96/2019, 110/2019, 154/2019 и 121/2024) се предвидува дека министерот донесува правилници, наредби, упатства, планови, програми, решенија и други видови акти за извршување на законите и други прописи, кога за тоа е овластен со закон. Директорот на самостојниот орган на државната управа, односно управната организација донесува правилници, решенија, наредби, упатства, планови, програми и други видови акти за извршување на законите и други прописи, кога за тоа е овластен со закон.

Воедно, со член 56 став 1 од Законот за организација и работа на органите на државната управа се предвидува дека со правилник се утврдуваат и се разработуваат одделни одредби на законите и други прописи заради нивно извршување.

Во член 100 став 1 од Законот за здравствената заштита („Службен весник на Република Македонија“ бр. 43/2012, 145/2012, 10/2013, 38/2013, 65/2013, 87/2013, 164/2013, 39/2014, 43/2014, 101/2014, 132/2014, 188/2014, 10/2015, 61/2015, 154/2015, 192/2015, 17/2016, 37/2016, 93/2017 и 20/2019 и „Службен весник на Република Северна Македонија” бр.101/2019, 153/2019, 180/2019, 275/2019, 76/2020, 77/2021, 122/2021, 178/2021, 150/2022, 236/2022, 199/2023, 236/2023, 263/2023, 30/2024, 74/2024 и 170/2024) предвидено е дека со јавната здравствена установа управува управен одбор, додека пак со став 5 од истиот член е предвидено дека управниот одбор го донесува статутот на установата, донесува одлука за промена на дејноста и за другите статусни измени (поделба, издвојување, спојување и припојување), го усвојува извештајот за работа, ја донесува програмата за работа и финансискиот план, ја утврдува завршната сметка, донесува општи акти и го следи нивното извршување и врши и други работи утврдени со закон, актот за основање и статутот на јавната здравствена установа.

Според 155-ж став 4 од Законот за здравствената заштита, постапката за вработување на здравствените работници и здравствените соработници во јавните здравствени установи се врши согласно со овој закон.

По однос на наводите на подносителот на иницијативата дека оспорениот правилник донесен од Управниот одбор на ЈЗУ Клиничка болница „д-р Трифун Пановски“ – Битола е спротивен на член 32 од Уставот на Република Северна Македонија, член 55 од Законот за организација и работа на органите на државната управа, членовите 160 и 161 од Законот за здравствена заштита и член 6 од Законот за вработените во јавниот сектор, Судот оцени дека се основани и притоа изрази сомнеж за уставноста и законитоста на Правилникот.
Во конкретниот случај, Судот на седница оцени дека предметниот правилник, по својата форма и содржина, претставува пропис за кој Уставниот суд е надлежен да ја оценува неговата уставност и законитост, по што Судот се впушти во анализа на прашањето дали Управниот одбор е овластен со закон да донесе правилник за формата и содржината на јавниот оглас, начин на поднесување на пријавата за вработување на давателите на услуги-здравствени работници и соработници, како и начинот на спроведување на постапката за селекција на кандидатите за работното место за кое е објавен јавниот оглас, рангирање, тестирање и спроведување на интервју.

Притоа Судот утврди дека членовите 6, 20-г и 20-д од Законот за вработените во јавниот сектор, членовите 159, 160 и 161 од Законот за здравствена заштита и член 18 од Статутот на ЈЗУ Клиничка болница – Битола, на кои се повикал Управниот одбор на ЈЗУ Клиничка болница „д-р Трифун Пановски“-Битола, при донесувањето на оспорениот Правилник не предвидуваат донесување на подзаконски пропис за формата и содржината на јавниот оглас, начин на поднесување на пријавата за вработување на давателите на услуги-здравствени работници и соработници, како и начинот на спроведување на постапката за селекција на кандидатите за работното место за кое е објавен јавниот оглас, рангирање, тестирање и спроведување на интервју, од страна на Управниот одбор, каков што е предметниот правилник.

Имено, Правилниците како прописи по својата правна природа се подзаконски акти што се носат во функција на операционализација на законските норми, за што мора да постои законско овластување за доносителот на ваквите акти, како што е пропишано со член 55 од Законот за организација и работа на органите на државната управа. Исто така, управниот одбор на јавните здравствени установи како орган кој управува со јавната здравствена установа има надлежности кои се дефинирани во член 100 став 1 од Законот за здравствената заштита, но истите не опфаќаат регулирање на прашања кои се предмет на уредување на оспорениот правилник.

Оттука произлегува дека Управниот одбор на ЈЗУ Клиничка болница „д-р Трифун Пановски“ – Битола со донесувањето на оспорениот правилник ги пречекорил своите овластувања, на начин што го донел Правилникот спротивно на член 55 од Законот за организација и работа на органите на државната управа, во кој јасно и прецизно е пропишано дека министерот донесува правилници, наредби, упатства, планови, програми, решенија и други видови акти за извршување на законите и други прописи, кога за тоа е овластен со закон, како и спротивно на член 100 став 5 од Законот за здравствената заштита во кој се уредени надлежностите на управниот одбор на јавните здравствени установи.

Во конкретниот случај, Правилникот е донесен без законски основ, со што пред Судот основано се постави прашањето за неговата уставност и законитост, односно неговата согласност со темелната вредност на уставниот поредок – начелото на владеење на правото од член 8 став 1 алинеја 3 и член 51 од Уставот, според кој во правниот поредок не може да егзистираат прописи за кои не постои основ со закон за нивното донесување.

Врз основа на наведеното, Судот, со мнозинство гласови, одлучи како во диспозитивот на ова решение.

Ова решение прозиведува правно дејство од денот на објавувањето во „Службен весник на Република Северна Македонија“.

ПРЕТСЕДАТЕЛ
на Уставниот суд на Република Северна Македонија,
д-р Дарко Костадиновски

* * *

Gjykata Kushtetuese e
Republikës së Maqedonisë së Veriut
U.nr.172/2024
Shkup, 19.02.2025
Gjykata Kushtetuese e Republikës së Maqedonisë së Veriut, në përbërje të dr. Darko Kostadinovski kryetar i Gjykatës dhe gjykatësve Naser Ajdari, mr.Tatjana Vasiq-Bozaxhieva, dr.Jadranka Daboviq-Anastasovska, Elizabeta Dukovska, dr. Osman Kadriu, Dobrilla Kacarska dhe mr. Fatmir Skender, në bazë të nenit 110 të Kushtetutës së Republikës së Maqedonisë së Veriut, nenit 36 paragrafi 1 dhe nenit 73 alineja 1 të Aktit të Gjykatës Kushtetuese të Republikës së Maqedonisë së Veriut („Gazeta Zyrtare e Republikës së Maqedonisë së Veriut“ nr.115/2024), në seancën e mbajtur më 19 shkurt 2025, miratoi

A K T V E N D I M

1. INICIOHET procedurë për vlerësimin e kushtetutshmërisë dhe ligjshmërisë së Rregullores për formën dhe përmbajtjen e Shpalljes Publike, mënyrën e dorëzimit të kërkesës për punësim të ofruesve të shërbimeve – punonjësve shëndetësorë dhe bashkëpunëtorëve, si dhe mënyrën e zbatimit të procedurës për përzgjedhjen e kandidatëve për pozicionin e punës për të cilin është shpallur shpallja publike, renditja, testimi dhe zbatimi i intervistës nr. 02-1186/2 të datës 13.10.2023, e miratuar nga Këshilli Drejtues i IPSH Spitali Klinik “Dr. Trifun Panovski” – Manastir.

2. Ky aktvendim do të botohet në „Gazetën Zyrtare të Republikës së Maqedonisë së Veriut”.

Arsyetim

Igor Radenkov nga Manastiri, parashtroi iniciativë në Gjykatën Kushtetuese për të vlerësuar kushtetutshmërinë dhe ligjshmërinë e Rregullores për formën dhe përmbajtjen e Shpalljes Publike, mënyrën e paraqitjes së kërkesës për punësim të ofruesve të shërbimeve – punonjësve shëndetësorë dhe bashkëpunëtorëve, si dhe mënyrën e zbatimit të procedurës për përzgjedhjen e kandidatëve për vendin e punës për të cilin është shpallur shpallja publike, renditjen, testimin dhe kryerjen e intervistës nr. 02-1186/2 të datës 13.10.2023 dhe në veçanti nenet 5, 8 dhe 18 të së njëjtës Rregullore, të miratuara nga Këshilli Drejtues i ISHP Spitali Klinik “Dr. Trifun Panovski” – Manastir, si në kundërshtim me nenin 32 të Kushtetutës së Republikës së Maqedonisë së Veriut, nenin 55 të Ligjit për Organizimin dhe Punën e Organeve të Administratës Shtetërore dhe nenet 160 dhe 161 të Ligjit për Kujdesin Shëndetësor dhe nenin 6 të Ligjit për të Punësuarit në Sektorin Publik.

Sipas parashtruesit të iniciativës, Këshilli i Drejtues të ISHP Spitali Klinik “Dr. Trifun Panovski” – Manastir nuk ka autorizim për të miratuar rregullore si akte nënligjore dhe se dispozitat ligjore përcaktojnë qartë se cilat organe administrative kanë të drejtë të miratojnë rregullore për përsosjen e procedurave dhe çështjeve të caktuara ligjore.

Në vazhdim të iniciativës, parashtruesi i citon nenet 160 dhe 161 të Ligjit për Mbrojtjen e Shëndetit, sipas të cilave nuk parashikohet të miratohet një rregullore për rregullimin e pikëve të intervistës sepse kjo rregullohet me Ligj. Megjithatë, dispozitat e Rregullores parashikojnë që intervista vlerësohet shumë më lart se suksesi i studimeve mjekësore dhe provimi profesional. Ligji parashikon një intervistë vetëm nëse nuk mund të bëhet një listë renditjeje bazuar në pikë, përkatësisht nëse ka kandidatë me të njëjtin numër pikësh, me ç’rast vetë intervista nuk mund të mbajë 80 pikë, kur Ligji përcakton një total prej 100 pikësh për të gjithë procedurën.

Për shkak të sa më sipër, parashtruesi propozon të iniciohet procedurë për vlerësimin e kushtetutshmërisë dhe ligjshmërisë së Rregullores dhe për ta shfuqizuar ose anuluar atë.

Në seancë Gjykata përcaktoi se Këshilli Drejtues i ISHP Spitalit Klinik “Dr. Trifun Panovski” – Manastir në bazë të neneve 6, 20-ç dhe 20-d të Ligjit për të Punësuarit në Sektorin Publik („Gazeta Zyrtare e Republikës së Maqedonisë“ nr. 27/2014, 199/2014, 27/2016, 35/2018 dhe 198/2018 dhe „Gazeta Zyrtare e Republikës së Maqedonisë së Veriut“ nr.143/2019 dhe 14/2020) dhe nenet 159, 160 dhe 161 të Ligjit për Mbrojtje Shëndetësore („Gazeta Zyrtare e Republikës së Maqedonisë“ nr.43/2012, 145/2012, 87/2013, 164/2013, 39/2014, 43/2014, 132/2014, 188/2014, 10/2015, 61/2015, 154/2015, 192/2015, 17/2016, 37/2016, 20/2019 dhe „Gazeta Zyrtare e Republikës së Maqedonisë së Veriut“ nr. 101/2019, 153/2019, 180/2019, 275/2019, 77/2021, 122/2021, 178/2021, 150/2022, 236/2022 dhe 199/2023), si dhe në bazë të nenit 18 të Statutit të ISHP Spitali Klinik – Manastir, në seancën e mbajtur më datë 13.10.2023, ka miratuar Rregullore për formën dhe përmbajtjen e Thirrjes publike, mënyrën e parashtrimit të aplikimit për punësim ofruesve të shërbimeve – punonjësve shëndetësorë si dhe mënyrën e zbatimit të procedurës për përzgjedhjen e kandidatëve për vendin e punës për të cilin është publikuar thirrja publike, rangimi, testimi dhe zbatimi i intervistës nr.02-1186/1, i cili i përmban 21 nene.

III

Sipas nenit 8 paragrafi 1 alineja 3 e Kushtetutës së Republikës së Maqedonisë së Veriut, sundimi i ligjit është vlerë themelore e rendit kushtetues të Republikës së Maqedonisë së Veriut.

Sipas nenit 51 të Kushtetutës, në Republikën e Maqedonisë së Veriut, ligjet duhet të jenë në përputhje me Kushtetutën ndërsa të gjitha rregullat e tjera me Kushtetutën dhe ligjin. Secili e ka për detyrë ta respektojë Kushtetutën dhe ligjet.

Sipas nenit 110 alineja 2 e Kushtetutës, Gjykata Kushtetuese e Republikës së Maqedonisë së Veriut vendos për përputhshmërinë e rregullave të tjera dhe marrëveshjeve kolektive me Kushtetutën dhe ligjet.

Neni 55 i Ligjit për Organizimin dhe Punën e Organeve të Administratës Shtetërore (“Gazeta Zyrtare e Republikës së Maqedonisë” nr. 58/2000, 44/2002, 13/2006, 82/2008, 167/2010, 36/2011, 51/2011 dhe “Gazeta Zyrtare e Republikës së Maqedonisë së Veriut” nr. 96/2019, 110/2019, 154/2019 dhe 121/2024) përcakton se Ministri miraton rregullore, urdhra, udhëzime, plane, programe, vendime dhe lloje të tjera aktesh për zbatimin e ligjeve dhe rregullave të tjera, kur është i autorizuar për këtë me ligj. Drejtori i organit të pavarur të administratës shtetërore, përkatësisht i organizatës administrative, miraton rregullore, vendime, urdhra, udhëzime, plane, programe dhe lloje të tjera aktesh për zbatimin e ligjeve dhe rregulloreve të tjera, kur është i autorizuar për këtë me ligj.

Njëkohësisht, neni 56 paragrafi 1 i Ligjit për Organizimin dhe Punën e Organeve të Administratës Shtetërore përcakton se me rregullore përcaktohen dhe përpunohen dispozita të caktuara të ligjeve dhe rregullave të tjera me qëllim zbatimin e tyre.

Në nenin 100 paragrafi 1 i Ligjit për Mbrojtje Shëndetësore („Gazeta Zyrtare e Republikës së Maqedonisë“ nr. 43/2012, 145/2012, 10/2013, 38/2013, 65/2013, 87/2013, 164/2013, 39/2014, 43/2014, 101/2014, 132/2014, 188/2014, 10/2015, 61/2015, 154/2015, 192/2015, 17/2016, 37/2016, 93/2017 dhe 20/2019 dhe „ Gazeta Zyrtare e Republikës së Maqedonisë së Veriut” nr.101/2019, 153/2019, 180/2019, 275/2019, 76/2020, 77/2021, 122/2021, 178/2021, 150/2022, 236/2022, 199/2023, 236/2023, 263/2023, 30/2024, 74/2024 dhe 170/2024) paraparë që institucioni publik i kujdesit shëndetësor menaxhohet nga një këshill drejtues, ndërsa paragrafi 5 i të njëjtit nen përcakton që këshilli drejtues e miraton statutin e institucionit, e miraton vendim për ndryshimin e aktivitetit dhe ndryshime të tjera statusore (ndarje, veçim, bashkim dhe blerje), miraton raportin e punës, miraton programin e punës dhe planin financiar, përcakton llogarinë përfundimtare, miraton akte të përgjithshme dhe monitoron zbatimin e tyre, si dhe kryen detyra të tjera të përcaktuara me ligj, aktin e themelimit dhe statutin e institucionit publik të kujdesit shëndetësor.

Sipas nenit 155-h paragrafi 4 i Ligjit për Kujdesin Shëndetësor, procedura për punësimin e punonjësve shëndetësorë dhe bashkëpunëtorëve shëndetësorë në institucionet publike shëndetësore kryhet në përputhje me këtë ligj.

Lidhur me pretendimet e parashtruesit se rregullorja e kontestuar e miratuar nga Këshilli Drejtues i ISHP Spitali Klinik “Dr. Trifun Panovski” – Manastir është në kundërshtim me nenin 32 të Kushtetutës së Republikës së Maqedonisë së Veriut, nenin 55 të Ligjit për Organizimin dhe Punën e Organeve të Administratës Shtetërore, nenet 160 dhe 161 të Ligjit për Kujdesin Shëndetësor dhe nenin 6 të Ligjit për të Punësuarit në Sektorin Publik, Gjykata vlerësoi se kanë bazë dhe shprehu dyshime për kushtetutshmërinë dhe ligjshmërinë e Rregullores.

Në rastin konkret, Gjykata në seancë vlerësoi se rregullorja në fjalë, për nga forma dhe përmbajtja e saj, përbën një rregullore për të cilën Gjykata Kushtetuese është kompetente ta vlerësojë kushtetutshmërinë dhe ligjshmërinë e saj, pas së cilës Gjykata iu përvesh analizës së çështjes nëse Këshilli Drejtues është i autorizuar me ligj të miratojë një rregullore për formën dhe përmbajtjen e thirrjes publike, mënyrën e paraqitjes së kërkesës për punësim të ofruesve të shërbimeve – punonjësve shëndetësorë dhe bashkëpunëtorëve, si dhe mënyrën e zbatimit të procedurës për përzgjedhjen e kandidatëve për pozicionin e punës për të cilin është shpallur thirrje publike, renditja, testimi dhe zbatimi i intervistës.

Këshilli Drejtues i Institucionit Publik Shëndetësor Spitali Klinik “Dr. Trifun Panovski” – Manastir, gjatë miratimit të Rregullores, iu referua neneve 6, 20-d dhe 20-e të Ligjit për të Punësuarit në Sektorin Publik, neneve 159, 160 dhe 161 të Ligjit për Mbrojtjen e Shëndetit dhe nenit 18 të Statutit të Institucionit Publik Shëndetësor Spitali Klinik – Manastir. Nga përmbajtja e dispozitave ligjore të lartpërmendura, rrjedh se nuk parashikohet miratimi i një rregulli (rregulloreje) mbi formën dhe përmbajtjen e thirrjes publike, mënyrën e paraqitjes së kërkesës për punësim të ofruesve të shërbimeve – punonjësve dhe bashkëpunëtorëve të kujdesit shëndetësor, si dhe mënyrën e zbatimit të procedurës për përzgjedhjen e kandidatëve për pozicionin e punës për të cilin është publikuar njoftimi publik, për renditjen, testimin dhe zbatimin e intervistës, nga Këshilli Drejtues, siç është rregullorja në fjalë.

Rregulloret si rregullore sipas natyrës së tyre juridike janë akte nënligjore që miratohen në funksion të operacionalizimit të normave ligjore, për të cilat duhet të ketë autorizim ligjor për miratuesin e akteve të tilla, siç përcaktohet me nenin 55 të Ligjit për Organizimin dhe Punën e Organeve të Administratës Shtetërore dhe nenin 100 paragrafi 5 të Ligjit për Mbrojtjen e Shëndetit, i cili rregullon kompetencat e këshillit drejtues të institucioneve publike shëndetësore.
Këshilli Drejtues i IPSH Spitali Klinik “Dr. Trifun Panovski” – Manastir, me miratimin e rregullores së kontestuar, i tejkaloi autorizimet e tij, në mënyrë që e miratoi Rregulloren në kundërshtim me nenin 55 të Ligjit për Organizimin dhe Punën e Organeve të Administratës Shtetërore, i cili përcakton qartë dhe saktë se ministri miraton rregullore, urdhra, udhëzime, plane, programe, vendime dhe lloje të tjera të akteve për zbatimin e ligjeve dhe rregulloreve të tjera, kur është i autorizuar për këtë me ligj.
Në rastin konkret, Rregullorja u miratua pa bazë ligjore, gjë që me të drejtë para Gjykatës e mgriti çështjen e kushtetutshmërisë dhe ligjshmërisë së saj, përkatësisht përputhshmërisë së saj me vlerën themelore të rendit kushtetues – parimin e sundimit të ligjit nga neni 8 paragrafi 1 alineja 3 dhe neni 51 i Kushtetutës, sipas të cilave nuk mund të ekzistojnë rregullore në rendin juridik për të cilat nuk ka bazë ligjore për miratimin e tyre.
Në bazë të sa më sipër, Gjykata, me shumicë votash, vendosi si në dispozitiv të këtij aktvendimi.

Ky aktvendim ka fuqi juridike nga dita e publikimit në “Gazetën Zyrtare të Republikës së Maqedonisë së Veriut”

KRYETAR
i Gjykatës Kushtetuese të Republikës së Maqedonisë së Veriut,
dr. Darko Kostadinovski