У.бр.149/2024 – Уставен суд на Република Северна Македонија

Уставен суд на
Република Северна Македонија
У.бр.149/2024
Скопје,23.04.2024 година

Уставниот суд на Република Северна Македонија, во состав Добрила Кацарска, претседател на Судот и судиите Насер Ајдари, м-р Татјана Васиќ-Бозаџиева, д-р Јадранка Дабовиќ-Анастасовска, Елизабета Дуковска, д-р Осман Кадриу, д-р Дарко Костадиновски, д-р Ана Павловска-Данева и м-р Фатмир Скендер, врз основа на член 110 од Уставот на Република Северна Македонија, член 28 алинеја 3 и член 71 од Деловникот на Уставниот суд на Република Северна Македонија („Службен весник на Република Македонија” бр.70/1992 и „Службен весник на Република Северна Македонија” бр.202/2019, 256/2020 и 65/2021), на седницата одржана на 23.04.2024 година, донесе

Р Е Ш Е Н И Е

СЕ ОТФРЛА иницијативата за поведување постапка за оценување на уставноста и законитоста на точката 3 од Упатството за радиодифузерите за претседателските и за парламентарните избори 2024 бр.01-1550/1 од 29.03.2024 година.

Образложение

Билјана Ванковска-Цветковска и политичката партија „Левица” до Уставниот суд поднесоа иницијатива за оценување на уставноста и законитоста на точка 3 од Упатството за радиодифузерите за претседателските и за парламентарните избори 2024 бр.01-1550/1 од 29.03.2024 година, како спротивно на член 1 став 1, член 8 став 1 алинеи 1, 3 и 5, член 9, член 16 ставови 1, 2, 3 и 7, член 22 ставови 1 и 2, член 23 и член 51 од Уставот на Република Северна Македонија и член 70 став 2, член 75 ставови 1 и 2, член 75-а став 1 а) и член 75-ѓ став 1 од Изборниот законик.

Во наводите од иницијативата се наведува дека Агенцијата за аудио и аудиовизуелни услуги во согласност со член 96-в од Изборниот законик, е должна да врши перманентен мониторинг и да го следи изборното медумско претставување и програмскиот сервис на радиодифузерите во Република Северна Македонија од денот на распишување на изборите до завршување на гласањето на денот на одржување на изборите. Агенцијата, во рамки на нејзината надлежност и службена должност го издала сега оспореното упатство кое има за цел на радиодифузерите да им го појасни начинот на примена на правилата и ограничувањата предвидени во Изборниот законик за претседателските и парламентарните избори 2024 година.

Според подносителите, АВМУ издало упатство кое било во спротивност со императивните законски правила за медиумско претставување во текот на кампањата со произволно и неточно толкување на одредбите од Изборниот законик и погрешно утврдена фактичка состојба во однос на позиционирањето на политичките партии во Собранието на Република Северна Македонија.

Подносителите сметаат дека распределбата на минутажата за платено политичко рекламирање била заснована на законската одредба од член 75-ѓ став 1 од Изборниот законик, која законска норма е неприменлива за претседателските избори 2024, од причина што оваа законска одредба ја уредува медиумската минутажа за платено политичко рекламирање на партиите која им следува во изборна кампања, а не на претседателските кандидати.

Според подносителите, на претседателските избори 2024 од вкупно седум потврдени претседателски кандидати, дури шест имале стекнат законски статус и правен третман на независни, а не на партиски кандидати. Механизмот за распределба на минутажата за платено политичко рекламирање согласно член 75-ѓ од Изборниот законик, важел само за парламентарните, но не и за претседателските избори со оглед дека станува збор за два одделни и сосема различни изборни процеси.

Понатаму, во иницијативата се наведува дека Изборниот законик во член 75-а точка а) го пропишува принципот на еднаквост на сите претседателски кандидати без исклучок, без дискриминација, според кој радиодифузерите ќе обезбедат избалансирано покривање на изборниот процес во сите облици на изборно медиумско претставување.

Подносителите сметаат дека принципот на еднаквост, би бил задоволен доколку вкупното време за платеното политичко рекламирање од 9:30 минути биде поделено на сите седум кандидати по 81,5 секунди за секој поединечно, како што бил примерот со претседателските избори 2019.

Во натамошните наводи на иницијативата се наведува дека АВМУ не смее со една единствена формула да ја распредели на ист начин медиумската минутажа за платено политичко рекламирање за претседателските и за параментарните избори 2024 со едно упатство за два различни изборни процеси како и тоа дека оспореното упатство отсликува и погрешно утврдена фактичка состоба во однос на позиционирањето на политичките партии во Собранието на Република Северна Македонија.

Според подносителите, оспорената точка 3 од Упатството е нејасна, неприменлива во пракса и создава неконзистентност во правните прописи од ист и различен ранг и како таква е спротивна на концептот на владеењето на правото од член 8 од Уставот. Со оспореното упатство се нарушува системот на нормативна хиерархија и се овозможува заобиколување на предвидените уставни и законски норми спротивно на член 51 од Уставот.

Од овие причини, подносителите сметаат дека оспорената точка 3 од упатството е противуставна и противзаконита поради што предлагаат истата да биде поништена или укината, а до донесување на конечна и мериторна одлука, Уставниот суд да донесе привремено решение за запирање на извршувањето на акти или дејствија преземени врз основа на оспорениот подзаконски правен акт во точката 3 од причина што сметаат дека би предизвикалс тешко остранливи и штетни последици по демократијата, изборниот процес и политичкиот плурализам.

На седницата Судот утврди дека оспорената точка 3 од упатството ја има следната содржина:

Во согласност со распределбата на времето за платено политичко рекламирање утврдена во член 75-ѓ став 1 од Изборниот законик, вкупно деветте минути и триесет секунди (00:09:30) на реален час емитувана програма, подносителите на листи ќе ги користат на следниов начин:

– Во максимум 4-те минути наменети за двете најголеми политички партии од позицијата, кои на последните парламентарни избори освоиле најмногу гласови, ќе се емитува платеното политичко рекламирање на подносителите на листи/кандидатите за претседател- Стево Пендаровски поддржан од политичката партија СДСМ и Бујар Османи, поддржан од политичката партија ДУИ.
– Во максимум 4-те минути наменети за двете најголеми политички партии во опозиција, кои на последните парламентарни избори освоиле најмногу гласови, ќе се емитува платеното политичко рекламирање на подносителите на листи/кандидатите за претседател – Гордана Силјановска-Давкова, поддржана од политичката партија ВМРО-ДПМНЕ и Арбен Таравари, поддржан од политичките партии Алтернатива и Движење БЕСА.
– Во максимум 1-та минута наменета за политичките партии во Собранието кои на последните избори за пратеници не освоиле доволно пратеници да формираат пратеничка група ќе се емитува платеното политичко рекламирање на подносителите на листи/кандидатите за претседател – Билјана Ванковска-Цветковска, поддржана од политичка партија Левица и Стевчо Јакиовски, поддржан од политичката партија ГРОМ.
– Во преостанатите 30 секунди наменети за политичките партии кои не се застапени во Собранието или кандидати ќе се емитува платеното политичко рекламирање на подносителот на листа/кандидатот за претседател – Максим Димитриевски, поддржан од политичката партија ЗНАМ.

III

Согласно со член 110 алинеи 1 и 2 од Уставот, Уставниот суд на Република Северна Македонија одлучува за согласноста на законите со Уставот и за согласноста на другите прописи и на колективните договори со Уставот и со законите.

Според член 28 алинеја 3 од Деловникот на Судот, Уставниот суд ќе ја отфрли иницијативата ако постојат други процесни пречки за одлучување по иницијативата.

Врз основа на член 18 став 1 алинеја 22 и член 20 став 1 алинеја 15 и член 96 став 2 од Законот за аудио и аудиовизуелни медиумски услуги („Службен весник на Република Македонија” бр. 184/13, 13/14, 44/14, 101/14, 132/14, 142/16, 132/17, 168/18, 248/18 и 27/19 и „Службен весник на Република Северна Македонија” бр. 42/20, 77/21, 154/23 и 55/24), член 15 став 1 алинеја 19 и член 39 став 1 алинеја 15 од Деловникот за работа на Агенцијата за аудио и аудиовизуелни медиумски услуги (Пречистен текст) бр.01-3732/1 од 29.07.2019 година, а во врска со член 76-в став 1, член 75, член 75-ѓ став , член 76, член 76-а ставови 2 и 8 и член 76-б од Изборниот законик („Службен весник на Република Македонија” бр.40/06, 136/08, 44/11, 51/11, 142/12, 31/13, 34/13, 14/14, 30/14, 196/15, 35/16, 97/16, 99/16, 136/16, 142/16, 67/17, 125/17, 35/18, 99/18, 140/18, 208/18 и 27/19 и „Службен весник на Република Северна Македонија” бр.98/19, 42/20, 74/21, 215/21 и 58/24), согласно Заклучокот бр. 02-1371/4 од 29.03.2024 година, Советот на Агенцијата на продолжението на својата 12-та седница одржана на 28.03.2024 година, го донел Упатството за радиодифузерите за претседателските и за парламентарните избори 2024 бр.01-1550/1 од 29.03.2024 година.

Во оспорената точка 3 од Упатството, Агенцијата за аудио и аудиовизуелни медиумски услуги ја уредила распределбата на времето за платено политичко рекламирање од вкупно девет минути и триесет секунди на реален час емитувана програма, на седум подносители на листи за претседателски кандидати и тоа во максимум 4 минути наменети за двете најголеми политичики партии од позицијата кои на последните парламентарни избори освоиле најмногу гласови (двајца кандидати), максимум 4 минути наменети за двете најголеми политички партии од опозицијата кои на последните парламентарни избори освоиле најмногу гласови (двајца кандидати), максимум 1 минута наменета за политичките партии во Собранието кои на последните избори за пратеници не освоиле доволно пратеници да формираат пратеничка група (двајца кандидати) и преостанатите 30 секунди наменети за политичките партии кои не се застапени во Собранието или кандидати (еден кандидат).

Упатството за радиодифузерите за претседателските и за парламентарните избори 2024, се применува исклучиво за претседателските и за парламентарните избори 2024, а оспорената точка 3 од истото упатство ја уредува распределбата на времето за платено политичко рекламирање за време на изборната кампања за претседателските избори, во првиот круг на гласање и во иднина нема да се применува, така што истото нема да произведува правно дејство.

Од вака утврдената фактичка состојба произлегува дека оспорената одредба од Упатството има темпорален, времен карактер, со важност до крајот на изборната кампања за претседателските избори, во привот круг на гласање со што е исцрпена во примената и повеќе не е во важност. Поради тоа, Судот оцени дека се исполнети условите од член 28 алинеја 3 од Деловникот на Уставниот суд за отфрлање на иницијативата.

Врз основа на наведеното, Судот, со мнозинство гласови, одлучи како во диспозитивот на ова решение.

ПРЕТСЕДАТЕЛ
на Уставниот суд на Република Северна Македонија,
Добрила Кацарска

* * *

Gjykata Kushtetuese e
Republikës së Maqedonisë së Veriut
U.nr.149/2024
Shkup,23.04.2024

Gjykata Kushtetuese e Republikës së Maqedonisë së Veriut, në përbërje të Dobrilla Kacarska, kryetare e Gjykatës dhe gjykatësve Naser Ajdari, mr. Tatjana Vasiq – Bozaxhieva, Elizabeta Dukovska, dr. Osman Kadriu, dr. Darko Kostadinovski, dr. Ana Pavllovska – Daneva dhe mr. Fatmir Skender, në bazë të nenit 110 të Kushtetutës së Republikës së Maqedonisë së Veriut, nenit 28 alineja 3 dhe nenit 71 të Rregullores së Gjykatës Kushtetuese të Republikës së Maqedonisë së Veriut (“Gazeta Zyrtare e Republikës së Maqedonisë” numër 70/1992 dhe “Gazeta Zyrtare e Republikës së Maqedonisë së Veriut” numër 202/2019, 256/2020 dhe 65/2021), në seancën e mbajtur më 23 prill 2024, miratoi

A K T V E N D I M

HIDHET POSHTË iniciativa për inicimin e procedurës për vlerësimin e kushtetutshmërisë dhe ligjshmërisë së pikës 3 të Udhëzimit për transmetuesit për zgjedhjet presidenciale dhe parlamentare 2024 nr.01-1550/1 të datës 29.03.2024.

Arsyetim

Biljana Vankovska – Cvetkovska dhe partia politike “E majta” dorëzuan iniciativë në Gjykatën Kushtetuese për vlerësimin e kushtetutshmërisë dhe ligjshmërisë së pikës 3 të Udhëzimit për transmetuesit për zgjedhjet presidenciale dhe parlamentare 2024 nr.01-1550/1, të datës 29.03.2024, në kundërshtim me nenin 1 paragrafin 1, nenin 8 paragrafin 1 alinetë 1, 3 dhe 5, nenin 9, nenin 16 paragrafët 1, 2, 3 dhe 7, nenin 22 paragrafët 1 dhe 2, nenin 23 dhe nenin 51 të Kushtetutës të Republikës së Maqedonisë së Veriut dhe nenin 70 paragrafin 2, nenin 75 paragrafin 1 dhe 2, nenin 75-a paragrafin 1 a) dhe nenin 75-f paragrafin 1 të Kodit Zgjedhor.

Në iniciativë thuhet se Agjencia për Shërbime Mediatike Audio dhe Audiovizuele, në përputhje me nenin 96-c të Kodit Zgjedhor, është e obliguar që nga dita e sotme të kryejë monitorim të përhershëm dhe të përcjellë mbulimin zgjedhor mediatik dhe shërbimin programor të transmetuesve në Republikën e Maqedonisë së Veriut të shpalljes në zgjedhje deri në fund të votimit në ditën e zgjedhjeve. Agjencia, në kuadër të kompetencës dhe detyrës zyrtare, e publikoi udhëzimin tashmë të kontestuar, i cili synon të sqarojë transmetuesit mënyrën e zbatimit të rregullave dhe kufizimeve të parashikuara në Kodin Zgjedhor për zgjedhjet presidenciale dhe parlamentare 2024.

Sipas parashtruesve, ASHMAA ka nxjerrë udhëzime që bien ndesh me rregullat imperative ligjore për përfaqësimin mediatik gjatë fushatës, me interpretim arbitrar dhe të pasaktë të dispozitave të Kodit Zgjedhor dhe gjendjes faktike të përcaktuar gabimisht në lidhje me pozicionimin e partive politike në Kuvendin e Republikës së Maqedonisë së Veriut.

Parashtruesit besojnë se ndarja e kohës së transmetimit për reklamat politike me pagesë është bazuar në dispozitën ligjore të nenit 75-f paragrafi 1 të Kodit Zgjedhor, normë ligjore e cila është e pazbatueshme për zgjedhjet presidenciale të vitit 2024, sepse kjo dispozitë ligjore rregullon kohën e transmetimit në media për reklama politike me pagesë për partitë që kanë të drejtë në një fushatë zgjedhore, jo për kandidatët presidencialë.

Sipas parashtruesve, në zgjedhjet presidenciale të vitit 2024, nga gjithsej shtatë kandidatë presidencialë të konfirmuar, gjashtë kishin fituar statusin ligjor dhe trajtimin ligjor të të pavarurve, e jo të kandidatëve partiakë. Mekanizmi i ndarjes së kohës së transmetimit për reklamat politike me pagesë, në bazë të nenit 75-f të Kodit Zgjedhor, vlente vetëm për zgjedhjet parlamentare, por jo për zgjedhjet presidenciale, duke qenë se këto janë dy procese zgjedhore të ndara dhe krejtësisht të ndryshme.

Më tej, nisma thekson se Kodi Zgjedhor, në nenin 75-a, pika a), parashikon parimin e barazisë së të gjithë kandidatëve për president pa përjashtim, pa diskriminim, sipas të cilit transmetuesit do të sigurojnë mbulim të balancuar të procesit zgjedhor në të gjitha format e përfaqësimit zgjedhor mediatik.

Parashtruesit vlerësojnë se parimi i barazisë do të përmbushej nëse koha totale e reklamave politike me pagesë prej 9:30 minutash do të ndahej midis të shtatë kandidatëve, 81.5 sekonda secili, siç ishte rasti me zgjedhjet presidenciale të 2019-ës.

Në pretendimet e mëtejshme të iniciativës thuhet se ASHMAA nuk duhet të përdorë një formulë të vetme për të shpërndarë kohën mediatike për reklamat politike me pagesë në të njëjtën mënyrë për zgjedhjet presidenciale dhe parlamentare të vitit 2024 me një udhëzim për dy procese të ndryshme zgjedhore, dhe se udhëzimi i kontestuar pasqyron gjithashtu situatë faktike të konstatuar gabimisht në lidhje me pozicionimin e partive politike në Kuvendin e Republikës së Maqedonisë së Veriut.

Sipas parashtruesve, pika e kontestuar 3 e Udhëzimit është e paqartë, e pazbatueshme në praktikë dhe krijon mospërputhje në rregullimet ligjore të rangjeve të njëjta dhe të ndryshme dhe si e tillë është në kundërshtim me konceptin e sundimit të së drejtës në nenin 8 të Kushtetutës. Udhëzimi i kontestuar cenon sistemin e hierarkisë normative dhe mundëson anashkalimin e normave të parapara kushtetuese dhe ligjore, në kundërshtim me nenin 51 të Kushtetutës.

Për këto arsye, parashtruesit vlerësojnë se pika e kontestuar 3 e udhëzimit është antikushtetuese dhe e paligjshme, për këtë arsye propozojnë që të anulohet ose shfuqizohet dhe deri në marrjen e një vendimi përfundimtar dhe meritor, Gjykata Kushtetuese të marrë një vendim të përkohshëm të ndalojë ekzekutimin e akteve apo veprimeve të ndërmarra në bazë të aktit nënligjor të kontestuar në pikën 3, sepse mendojnë se do të shkaktonte pasoja të vështira për t’u eliminuar dhe të dëmshme për demokracinë, procesin zgjedhor dhe pluralizmin politik.

Në seancë, Gjykata konstatoi se pika 3 e kontestuar e udhëzimit e ka këtë përmbajtje:

Në përputhje me caktimin e kohës për reklamat politike me pagesë të përcaktuara në nenin 75-f paragrafi 1 i Kodit Zgjedhor, do të përdoret totali prej nëntë minutash e tridhjetë sekondash (00:09:30) të një programi të transmetimit në kohë reale, nga paraqitësit e listës në mënyrën e mëposhtme:

– Në maksimum 4 minuta të dedikuara për dy partitë më të mëdha politike nga pozita, të cilat fituan më së shumti vota në zgjedhjet e fundit parlamentare, do të transmetohet reklamimi politik me pagesë i parashtruesve të listave/kandidatëve për president – Stevo Pendarovski i mbështetur nga partia politike LSDM dhe Bujar Osmani, të mbështetur nga partia politike BDI.
– Në maksimum 4 minuta të dedikuara për dy partitë më të mëdha politike në opozitë, të cilat fituan më së shumti vota në zgjedhjet e fundit parlamentare, paguhet reklamimi politik i parashtruesve të listave/kandidatëve për president – Gordana Siljanovska-Davkova, e mbështetur nga partia politike VMRO-DPMNE dhe Arben Taravari, të mbështetur nga partitë politike Alternativa dhe Lëvizja BESA.
– Në maksimum 1 minutë të dedikuara për partitë politike në Kuvend që nuk kanë fituar deputetë të mjaftueshëm për formimin e grupit parlamentar në zgjedhjet e fundit parlamentare, do të transmetohet reklama politike e paguar e parashtruesve të listave/kandidatëve për president – Biljana Vankovska-Cvetkovska, i mbështetur nga partia politike Partia e Majtë dhe Stevço Jakimovski, i mbështetur nga partia politike GROM.
– Në 30 sekondat e mbetura të dedikuara për partitë politike të papërfaqësuara në Kuvend apo kandidatët, do të transmetohet reklama politike me pagesë e parashtruesit të listës/kandidatit për president – Maksim Dimitrievski, i mbështetur nga partia politike ZNAM.

III

Në pajtim me nenin 110, paragrafët 1 dhe 2 të Kushtetutës, Gjykata Kushtetuese e Republikës së Maqedonisë së Veriut vendos për pajtueshmërinë e ligjeve me Kushtetutën dhe për pajtueshmërinë e rregullave të tjera dhe marrëveshjeve kolektive me Kushtetutën dhe ligjet.

Sipas nenit 28, paragrafi 3 e Rregullores së Gjykatës, Gjykata Kushtetuese do ta refuzojë iniciativën nëse ka pengesa të tjera procedurale për të vendosur për nismën.

Bazuar në nenin 18 paragrafi 1 alineja 22 dhe nenin 20 paragrafi 1 alineja 15 dhe nenin 96 paragrafi 2 nga Ligji për Shërbime Mediatike Audio dhe Audiovizuele (“Gazeta Zyrtare e Republikës së Maqedonisë” nr. 184/13, 13/14, 44/14, 101/14, 132/14, 142/16, 132/17, 168/18, 248/18 dhe 27/19 dhe “Gazeta Zyrtare e Republikës së Maqedonisë së Veriut” nr. 42/20, 77/21 , 154/23 dhe 55/24), neni 15 paragrafi 1 alineja 19 dhe neni 39 paragrafi 1 alineja 15 e Rregullores së punës së Agjencisë për Shërbime Mediatike Audio dhe Audiovizuele (Tekst i konsoliduar) nr.01-3732/1 të datës 29.07.2019, dhe në lidhje me nenin 76-c paragrafi 1, nenin 75, nenin 75-f paragrafi, nenin 76, nenin 76-a pikat 2 dhe 8 dhe nenin 76-b të Kodit Zgjedhor (“Gazeta Zyrtare e Republikës së Maqedonisë” nr.40/06, 136/08, 44/11, 51/11, 142/12, 31/13, 34/13, 14/14, 30/14, 196/15, 35/16, 97/ 16, 99/16, 136/16, 142/16, 67/17, 125/17, 35/18, 99/18, 140/18, 208/18 dhe 27/19 dhe “Gazeta Zyrtare e Republikës së Maqedonisë së Veriut” nr. 98/19, 42/20, 74/21, 215/21 dhe 58/24), në pajtim me Konkluzionin nr. 02-1371/4 të datës 29.03.2024, Këshilli i Agjencisë, në vazhdim të seancës së 12-të të mbajtur më 28.03.2024, e miratoi Udhëzimin për transmetuesit për zgjedhjet presidenciale dhe parlamentare 2024 nr 01-1550/1 të datës 29.03.2024.

Në pikën e kontestuar 3 të Udhëzimit, Agjencia për Shërbime Mediatike Audio dhe Audiovizuele ka rregulluar shpërndarjen e kohës për reklamim politik me pagesë prej gjithsej nëntë minuta e tridhjetë sekonda për një orë të transmetimit të programit, për shtatë parashtruesit e listave për kandidatët për president dhe atë në maksimum 4 minuta të dedikuara për dy partitë më të mëdha politike nga pozita që fitoi më shumë vota në zgjedhjet e fundit parlamentare (dy kandidatë), maksimumi 4 minuta për dy partitë më të mëdha politike nga opozita që fituan më së shumti vota në zgjedhjet e fundit parlamentare (dy kandidatë), maksimumi 1 minutë për partitë politike në parlament që nuk kanë fituar deputetë të mjaftueshëm për të formuar një grup parlamentar në zgjedhjet e fundit parlamentare (dy kandidatë) dhe 30 sekondat e mbetura për partitë politike që nuk janë të përfaqësuara në Kuvend ose kandidatët (një kandidat).

Udhëzimet për transmetuesit për zgjedhjet presidenciale dhe parlamentare të vitit 2024 zbatohen ekskluzivisht për zgjedhjet presidenciale dhe parlamentare të vitit 2024, dhe pika e kontestuar 3 e të njëjtit Udhëzues rregullon ndarjen e kohës për reklamat politike me pagesë gjatë fushatës zgjedhore për zgjedhjet presidenciale, në raundin e parë nuk do të zbatohet në të ardhmen, kështu që nuk do të prodhojë asnjë efekt juridik.

Nga gjendja faktike e konstatuar në këtë mënyrë, rezulton se dispozita e kontestuar e Udhëzimit ka karakter të përkohshëm, të përkohshëm, me vlefshmëri deri në përfundimin e fushatës zgjedhore për zgjedhjet presidenciale, në rrethin e parë të votimit, që do të thotë se është ezauruar në zbatim dhe nuk është më i vlefshëm. Prandaj, Gjykata vlerësoi se janë plotësuar kushtet e nenit 28, paragrafit 3 të Rregullores së Gjykatës Kushtetuese për hedhjen poshtë të iniciativës.

Në bazë të lartpërmendurës, Gjykata, me shumicë votash vendosi si në dispozitivin e këtij aktvendimi.

KRYETARE
e Gjykatës Kushtetuese të Republikës së Maqedonisë së Veriut,
Dobrilla Kacarska