Уставниот суд денеска ја одржа 27. Седница на која дискутираше по 11 предмети во кои се оспорени иницијативи за оценување на уставност и законитост и го одлучи следното:
I. ИНИЦИЈАТИВИ ЗА ОЦЕНУВАЊЕ УСТАВНОСТ И ЗАКОНИТОСТ
1. Реферат У.бр.243/2024
Предлогот на судијата-известител не го доби потребното мнозинство, предметот ќе биде ставен на гласање на наредната седница.
Оспорен акт: член 215 став 6 од Кривичниот законик („Службен весник на Република Македонија“ бр.37/1996, 80/1999, 48/2001, 4/2002, 16/2002, 43/2003, 19/2004, 40/2004, 81/2005, 50/2006, 60/2006, 73/2006, 87/2007, 7/2008, 139/2008, 114/2009, 51/2011, 51/2011, 135/2011, 185/2011, 142/2012, 143/2012, 166/2012, 55/2013, 82/2013, 14/2014, 27/2014, 28/2014, 41/2014, 41/2014, 115/2014, 132/2014, 160/2014, 199/2014, 196/2015, 226/2015, 97/2017, 170/2017, 248/2018 и „Службен весник на Република Северна Македонија“ бр.36/2023 и 188/2023).
Подносител на иницијативата: Васко Рубаноски
2. Реферат У.бр.270/2024
Судот ја отфрли иницијативата за оценување на уставноста на член 18 став 1 од Законот за изменување и дополнување на законот за пензиско и инвалидско осигурување („Службен весник на Република Северна Македонија“ бр.193/2024).
Подносител на иницијативата: Игорчо Точев
3. Реферат У.бр.5/2025
Поради отсуство на судијата-известител, предметот ќе биде ставен за разгледување на некоја од наредните седници.
Оспорен акт: член 9 став 1 во делот „на правосилноста“, член 9 став 2 во делот „на правосилната“, член 9 став 3 во делот „за правосилни“, член 9 став 4 во делот „без образложение“ од Законот за управување со движењето на предметите во судовите („Службен весник на Република Северна Македонија“ бр.42/2020).
Подносител на иницијативата: Александра Илиевска-Милчова
4. Реферат У.бр.12/2025
Предлогот на судијата-известител не го доби потребното мнозинство, следствено на ова предметот останува да се гласа на некоја од наредните седници.
Оспорен акт: делот „следува надоместок“ од членот 34 став 5 од Законот за минерални суровини („Службен весник на Република Македонија“ бр.136/2012, 25/2013, 93/2013, 44/2014, 160/2014, 129/2015, 192/2015, 39/2016, 53/2016, 120/2016, 189/2016 и „Службен весник на Република Северна Македонија“ бр.7/2019, 99/2022, 129/2023, 253/2023 и 147/2024) и Точка 1 од Одлуката за давање согласност за присоединување на Друштвото за производство, трговија и услуги увоз-извоз Боров Дол ДООЕЛ Радовиш кон Друштвото за производство, трговија и услуги БУЧИМ ДООЕЛ Радовиш бр.41- 12385/7 од 31.12.2024 година („Службен весник на Република Северна Македонија“ бр.2/2025).
Подносител на иницијативата: Игорчо Точев
5. Реферат У.бр.79/2025
Судот не поведе постапка за оценување на член 172 став 1 во делот „на тендерската документација“ и во делот „пред објавување на огласот за јавна набавка“ од Законот за јавните набавки („Службен весник на Република Македонија“ бр.24/2019 и „Службен весник на Република Северна Македонија“ бр.87/2021 и 14/2025).
Подносител на иницијативата: Игорчо Точев
6. Реферат У.бр.103/2025
Судот поведе постапка за оценување на член 29 став 1 точка 4 од Законот за рибарство и аквакултура („Службен весник на Република Северна Македонија“ бр. 64/2024 и 160/2025) и не поведе постапка за оценување на член 29 став 5 од истиот Закон.
Подносител на иницијативата: Игорчо Точев
7. Реферат УЗ.бр.1/2025
Судот ја отфрли иницијативата за оценување на уставноста и законитоста на Одлука за престанување на важење на одлука за прифаќање на старешините на ЈНА, воените службеници и граѓанските лица на служба во ЈНА од страна на Република Македонија, донесена од Владата на Република Македонија на 26.12.2007 година („Службен весник на Република Македонија“ бр.158/2007).
Подносител на иницијативата: Зоран Салтамарски
8. Реферат У.бр.154/2023
Судот не поведе постапка за оценување на уставноста и законитоста на Одлука за поништување на Одлуката за донесување на Регулациски план на Генерален урбанистички план на Град Скопје 2012-2022 за четврт С3 19, донесена од Советот на Град Скопје co бр.27-7740/1 од 20.07.2023 година („Службен гласник на Град Скопје“ бр.10/2023).
Подносител на иницијативата: Државен инспекторат за локална самоуправа
9.Реферат У.бр.154/2024
Судот ја отфрли иницијативата за оценување на уставноста и законитоста на Одлука за донесување на Урбанистички Проект со план за парцелација на г.п.7.5.2.04 Блок 7-Гевгелија (КП бр.2886/2 КО Гевгелија), Општина Гевгелија, бр.09-178/1 од 30.01.2023 година, донесена од Советот на Општина Гевгелија („Службен гласник на Општина Гевгелија“ бр.1/2023).
Подносители: Јован Туртуров
10. Реферат УЗ.бр.60/2025 и УЗ.бр.61/2025
Судот поведе постапка за оценување на уставноста и законитоста на Одлука за усвојување на Конечен предлог Детален Урбанистички План за Блок 25, Урбана Единица VI, VII и VIII зона, КО-Гостивар 1- Општина Гостивар, со површина на опфатот од 15.176 Ха, за плански период 2019-2029 („Службен гласник на Општина Гостивар бр.9/2025) и Одлука за усвојување на конечен Детален Урбанистички План за Блок 24, КО Гостивар 1-Општина Гостивар, со површина на опфатот (26.088 ха), за плански период 2023-2028 („Службен гласник на Општина Гостивар бр.9/2025).
Подносители на иницијативата: Министерство за транспорт
11. Реферат УЗ.бр.15/2025
Предлогот на судијата-известител не го доби потребното мнозинство, следствено на ова предметот останува да се гласа на наредната седница.
Оспорени акти: Член 7 став 2, член 8 став 3 точка 1 алинеи 1 и 2, точка 2 алинеи 1 и 2 од Тарифниот систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај од 17.11.2023 година и Прилогот 1 на тарифниот систем каде се одределени коефициентите за определување на цените по пресметковни елементи („Службен весник на Република Северна Македонија“ бр.246/2023).
Подносител на иницијативата: Борче Ѓузелов