Во Уставниот суд денеска се спроведе успешна крводарителска акција, на иницијатива на вработените во Службата. Досега беа собрани 13 крвни единици.
Со оваа акција, Уставниот суд ја покажува својата солидарност и се приклучува кон апелите на Црвениот крст за подигнување на свеста за важноста на доброволното дарување крв.
Акцијата се реализираше во соработка со Црвениот крст на Република Северна Македонија и се организира по втор пат во Уставниот суд. Првата крводарителска акција беше спроведена во април 2025 година по повод 60-годишнината од основањето на Уставниот суд.