Уставниот суд на 26. април 2023 година ја одржа 16. седница со дневен ред на кој се дискутираше за пет иницијативи за оценување на уставност и едно барање за заштита на човекови права и слободи и одлучи:
1.Реферат У.бр.70/2022
Ја отфрли иницијативата за оценување на Членот 83 став 1 од Законот за даночна постапка во делот „29 до” бидејќи претходно веќе се изјаснил за ова прашање.
Подносител на иницијативата: Игорчо Точев
2.Реферат У.бр. 102/22
Одлучи да неповеде постапка за член 7 став 1 алинеја 2 од Правилникот за изменување на правилникот за формата и го оцени како усогласен со членовите 11, 25 и 9 од Уставот како и со членот 4 став 1 точка 13 од Законот за заштита на личните податоци и ја отфрли иницијативата за член 33 став 1, член 67 став 1 од Законот за заштита на населението од заразни болести, содржината и начинот на водење на педагошката документација и евиденција во детска градинка и центар за ран детски развој и член 60 став 2 од Закон за основно образование.
Подносител на иницијативата: Сашо Балабанов
3.Реферат У.бр.115/2022
Ја отфрли иницијативата за делот „став 4 на“ од член 113 став 4 од Законот за општата управна постапка и оцени дека станува збор за веќе пресудена работа.
Подносител на иницијативата: Игорчо Точев
4.Реферат У.бр.43/2023
Ја отфрли иницијативата за член 218 став 2 од Законот за извршување бидејќи претходно веќе се изјаснил по ова прашање.
Подносител на иницијативата: Адвокат Марјан Максимоски
5.Реферат У.бр.8/2023
Ја отфрли Одлуката на Советот на Општина Македонска Каменица бр. 08-2487/1 од 28.12.2022 година.
Подносител на иницијативата: Димчо Атанасовски градоначалник на Општина Македонска Каменица.
РефератУ.бр.84/22
Го одби барањето на подносителката Маријана Крстева од причини што не може да се согледа дека е направена повреда, како што се тврди и упатува на дискриминација поради социјална припадност и општествена положба.