м-р Мери Дика Георгиевска

Судија

Лични податоци

Име: Мери Дика Георгиевска
Националност: Влаинка
Датум на раѓање: 3 март 1961 година
Mесто на раѓање: Скопје

Образование:

1985 година, дипломира на Правниот факултет при Универзитетот „Кирил и Методиј“ – Скопје
1987 година, положен правосуден испит во Министерството за правосудство и управа – Скопје
2014 година, магистрира на Правниот факултет при Универзитетот „Американ колеџ“ – Скопје, со магистерска теза „Улогата и значењето на моделот на системот на управување во остварување на деловниот потфат“

Работно искуство:

1 ноември 1985 година, адвокатски приправник кај адвокат Ристо Дика
1 јануари 1987 година, адвокатски стручен соработник
6 мај 1989 – 30 јуни 1996 година, адвокат во сопствена адвокатска канцеларија
1 јули 1996 година, избрана за судија на Основен суд Скопје II Скопје, постапува по предмети од стопанска материја и ја извршува функцијата претседател на Стопанскиот оддел
18 мај 2005 година, избрана за судија во Апелационен суд Скопје, постапува по стопански спорови и ја извршува функцијата претседател на Одделот за трговски спорови
18 декември 2012 – 18 декември 2018 година, член на Судскиот совет на Република Македонија
Од 19 декември 2018 година, судија во Апелационен суд Скопје, постапува по предмети од трговската област, претседател на совет и претседател на Одделот за трговски спорови
3 февруари 2023 година, назначена за вршител на должноста претседател на Апелационен суд Скопје
Од 2023 година, претседател на Одделот за судска практика во Апелационен суд Скопје
30 октомври 2023 година, избрана за претседател на Апелационен суд Скопје
Вкупен работен стаж: 40 години и 3 месеци.
Вкупен судиски стаж: 29 години и 7 месеци, од кои 6 години член на ССРМ од редот на судиите.

Стручни и професионални активности:

Член на Комисија за полагање на испит за стечајни управници
Предавач на теми поврзани со примената на Законот за стечај, како „Ефекти од досегашната примена на Законот за изменување и дополнување на Законот за стечај и на Законот за заклучување на стечајните постапки отворени согласно Законот за присилно порамнување, стечај и ликвидација и Законот за стечај“, во сите судови во РМ
Член на работна група, формирана од министерот за економија, за изготвување предлог-текст на Законот за инсолвентност
Долготрајна соработка со Комората на стечајни управници и активно учество во проекти поддржани од Светска банка и Европската Унија, во врска со зајакнување на административните капацитети за имплементација на правната рамка за стечај и ликвидација на трговски друштва
2014/2015 и 2015/2016 година, клиничар од практика за изведување настава по предметот „Стечај и стечајна постапка“ на втор циклус студии на Факултетот за правни науки при Универзитетот „Американ колеџ“ – Скопје
2014/2015 и 2015/2016 година, член на Деловниот совет при Универзитетот „Американ колеџ“ – Скопје
Член на Управниот одбор на Агенцијата за управување со одземен имот по службена должност како член на ССРМ
2019 година, член на Комисијата за завршен испит на VI генерација слушатели на почетна обука во Академијата за судии и јавни обвинители „Павел Шатев“
2023 – 2025 година, член на Комисијата за полагање правосуден испит, како испитувач по граѓанско право
2024 година, член на Комисијата за оценка на практичниот дел од испитот во Академијата за судии и јавни обвинители „Павел Шатев“
Член на Стручниот совет на Комората на извршители на РСМ

Придонес за развојот на стручната и теоретската мисла и правниот систем:

Како претседател на Одделот за судска практика активно учествува во процесот на воедначување на судската практика, анализа на карактеристични судски одлуки, изработка на секвенци и подготовка и јавно објавување на билтени
Како судија во Основниот суд Скопје II Скопје постапува по предмети од стопанска материја и има донесено околу 2.500 судски одлуки
Како судија во второстепен суд има донесено повеќе од 5.000 одлуки, главно потврдени од повисоките судови
Верификуваните одлуки значително влијаат на уредувањето на стопанските процеси и нивното интегрирање во пошироката општествена слика и деловното окружување
Преку формулирање и усвојување суштински стручни ставови и правни мислења учествува во воспоставувањето судска практика при регулирањето на овој сегмент, со цел обезбедување правна сигурност на правните субјекти