д-р Ана Павловска-Данева

Судија

Лични податоци

Име: д-р Ана Павловска-Данева
редовен професор
Националност: Македонка
Дата на раѓање: 1973 година
Место на раѓање: Скопје

Образование

Правен факултет при Московскиот државен универзитет „М.В. Ломоносов“ Москва
1993 година, Правен факултет „Јустинијан Први“ Скопје
1998 година, магистер на Правниот факултет „Јустинијан Први“ Скопје, магистерска теза „Омбудсман – заштитник на правата и слободите на граѓаните“
2003/2004 година, студиски престој како визитинг истражувач на Florida State University, Askew School of Public Administration како добитник на стипендија на Владата на Соединетите Американски Држави
2004 година, доктор на науки на Правниот факултет „Јустинијан Први“, докторска дисертација на тема „Управни договори“

Работно искуство

1998 година, помлад асистент во научната област Управно право и јавна управа
1999 година, асистент во научната област Управно право и јавна управа
2004 година, доцент на научната област Управно право и јавна управа на Правниот факултет „Јустинијан Први“ Скопје
2009 година, вонреден професор на Правниот факултет „Јустинијан Први“ Скопје
2013 година, редовен професор на Правниот факултет „Јустинијан Први“ Скопје
2008-2016 година, раководител на Колегиумот за втор циклус (мастер) студии по Административно право и јавна администрација
2008-2024 година, член на Уредувачкиот одбор на електронскиот журнал Iustinianus Primus Law Review во издание на Правниот факултет „Јустинијан Први“ индексиран во повеќе бази
2016-2024 година, раководител на Институтот за политички и правно-политички науки и член на Деканатската управа на Факултетот
2022-2024 година, раководител на Советот за докторски студии по Административно право на Правниот факултет
2011 – 2014 година, пратеник во Собранието на Република Македонија
2011 – 2014 година, шеф на Делегацијата на Собранието на Република Македонија на Парламентарното собрание на ОБСЕ
2017 – 2023 година, шеф на македонската делегација во ГРЕКО (во рамките на Советот на Европа);

Научни активности

Учество во изведувањето на наставата на следниве предметни програми на Правниот факултет „Јустинијан Први“ при Универзитетот „Св. Кирил и Методиј“ Скопје:

Административно право,
Јавна администрација,
Антикорупциско право,
Управно процесно право,
Управно судство,
Службенички систем,
Управни договори,
Право на слободен пристап до информации од јавен карактер и други.

Павловска-Данева е и постојан предавач во Академијата за судии и јавни обвинители „Павел Шатев“.

Екстензивно искуство во апликативната дејност

Национален експерт за изработка на Стратегија за реформа на јавната администрација со акциски план (2023-2030)
Претседател на работната група за изработка на Стратегијата за реформа на правосудниот сектор со акциски план (2017-2022 година)
Претседател на експертскиот тим за изработка на Стратегијата за транспарентност со акциски план (2019-2021)
Член на работната група за подготовка на Законот за управните спорови од 2019 година
Член на работната група за подготовка на Законот за прекршоците од 2019 година
Член на работната група за подготовка на Законот за слободен пристап до информации од јавен карактер од 2019 година и др.
Има изготвено бројни функционални анализи (на судови, министерства и други јавни органи), анализи на спроведувањето на извесни закони, студии за интегритетот во државни органи и единици на локалната самоуправа и други, коментари на пресуди и други публикации.

Научни трудови

Автор е на повеќе универзитетски учебници, монографии и коментари на закони, меѓу кои:

„Антикорупциско право“, 2021 година;
„Административно право – книга втора (процесно право)“, 2020 година;
„Административно право – прв дел (материјално право)“, 2018 година;
„Теорија на управувачки системи“, 2013 година,
„Службенички систем“, 2012 година;
„Административно право“, 2011 година;
„Јавна администрација“, 2011 година;
„Управни договори“, во 2009 година;
„Право и јавно здравство“, 2009 година;
„Јавна администрација“, 2008 година;
„Омбудсман“, 2000 година;
„Коментар на Законот за управните спорови“, (уредник и коавтор) во 2022 година;
„Коментар на Законот за слободен пристап до информации од јавен карактер“, 2006 година и
„Коментар на Законот за слободен пристап до информации од јавен карактер“, 2011 година.
Автор е, односно коавтор на околу 90 трудови (1997 до денес) на теми и прашања од областа на административното право и јавната администрација, како и од областа на правосудниот систем – организацијата на управата, организацијата на управното судство, работата на Судскиот совет, службеничкиот систем, управното процесно право и управниот спор, реформите во одделни сфери од јавниот сектор, контролата на управата од страна на омбудсманот и другите тела, превенцијата на корупција во јавниот сектор и слично. Најголемиот дел од овие трудови се презентирани на меѓународни или национални научни конференции и семинари.
2015 година – член на Академската антикорупциска иницијатива (Anti-Corruption Academic Initiative – ACAD) во рамките на Канцеларијата на Обединетите нации за дрога и криминал;
2004 до 2005 година – член на Американското друштво за јавна администрација (American Society of Public Administration – ASPA).

Јазици и вештини

Поседува одлични менаџерски, комуникациски, организациски и истражувачки вештини стекнати и надградувани во текот на кариерата, особено при работата и координацијата на поголеми (често мултидисциплинарни) тимови во рамките на проекти поддржани од Европската Унија, ОБСЕ, СИГМА, УСАИД, Светската банка и слично.
Активно ги владее англискиот и рускиот јазик.
За судија на Уставниот суд е избрана на 8 февруари 2024 година.