д-р Дарко Костадиновски

д-р Дарко Костадиновски

Претседател на Уставниот суд на Република Северна Македонија

Кратка биографија

д-р Дарко Костадиновски е роден на 27.11.1974 година во Скопје. По националност е Македонец. Дипломира на Правниот Факултет Јустинијан Први во Скопје 1997 година. Во 2008 година станува Магистер на правни науки, а во 2012 година и Доктор на правни науки. Магистрира на темата “Меѓународната арбитража во современите меѓународно политички односи (на граница помеѓу правото и политиката)”, а докторира на темата “Советодавната надлежност на Меѓународниот суд на правдата: правни последици на советодавните мислења на судот”.

Од 2001 година до јануари 2018 година, работи во Кабинетот на Претседателот на Република Македонија. До 2010 година работи како асистент на советникот за надворешна политика, и Раководител на одделението за ЕУ и НАТО.

Од 2010 до 2018 година е државен советник за надворешна политика.

Од 2015 до јануари 2018 година, ја извршува должноста Пратеник на Република Македонија во Алијансата на цивилизациите на Обединетите нации.

На 11.01.2018 година е избран за судија на Уставниот суд на Република Македонија.

Има земено учество на бројни меѓународни и регионални Самити, Конференции и Форуми , од областа на меѓународното право особено во рамките на Обединетите нации и Советот на Европа, како и дипломатска академија и обука во рамките на “World learning”, во САД.

На 04.06.2024 година е избран за Претседател на Уставниот суд на Република Северна Македонија.

Автор е на книгите:

  • “Меѓународна арбитража”, 2008 година
  • ”Меѓународниот суд на правдата – неопходност од реформи и промени (Советодавните мислења и нивните импликации)” 2015 година
  • “Сведоштва од Претседателскиот кабинет” монографија, 2019 година
  • „Лојалност кон Уставот 1 – Издвоени мислења на судијата д-р Дарко Костадиновски“, 2021 година
  • „Лојалност кон Уставот 2 – Дилемите на конституционализмот, Толкување на Уставот”, 2023 година
  • „Лојалност кон Уставот 3 – Теоријата на живиот конституционализам”, 2024 година
  • „Лојалност кон Уставот 4 – Ирзвшување на одлуките на Уставниот суд”, 2025 година
  • „Лојалност кон Уставот 5 – Моите денови како претседател на Уставниот суд” – во подготовка

Објавени стручни и научни трудови објавени во референтни научни и стручни индексирани списанија со меѓународен уредувачки одбор 

1.”The fundamental freedoms and rights of the individual and the citizens recognized by the Constitution, through the prism of the complex relationship between the Constitutional Court and the regular courts”
(Justinianus Primus Law Review, Skopje, 2024) https://journals.ukim.mk/index.php/iplr

2. “Theory of Living Constitutionalism and human rights”, International Scientific Journal “Centrum”, No.22, 2024, https://centrum.mk/?page_id=1221

3. “Human rights and interpretation of the Constitution”, International Journal “Knowledge”, Vol.67, No.6, 2024, View of Human rights and interpretation of the Constitution https://ikm.mk

4.“How Dissenting opinions in Constitutional Court proceedings protect human rights”,  Journal   International Journal of Social Sciences “VISIONS“, No.44, 2025, www.visionsjournal.com