Уставниот суд денеска ја одржа 2. седница од 2023 година со дневен ред на кој беа закажани четири иницијативи за оценување на уставност и законитост и три барања за заштита на слободи и права. Дополнително се дискутираше по уште еден предмет, по предлог на еден од судиите кој даде дополнување на рефератот.
У.бр.28/2022
По излагањето на судијата-известител и по расправата што се водеше по предметот, судијата-известител го повлече рефератот по предметот и Судот го одложи разгледувањето и одлучувањето по предметот за една од наредните седници.
Оспорен: Член 44 став 2 од од Законот за социјалната заштита
Подносител на иницијативата:Благоја Новески
У.бр.50/2022
Се отфрла иницијативата за поведување постапка за оценување на уставноста на член 134 ставови 2 и 3 од Законот за работните односи.
Подносител на иницијативата: Старбаг АГ Подружница Старбаг Скопје преку законски застапници Игор Максимовиќ и Владан Видиќ.
У.бр.79/2022
Не се поведува постапка за оценување на уставноста на член 10 од Законот за изменување и дополнување на Законот за вработените во јавниот сектор.
Подносител: Зоран Видевски и Самостоен синдикат на новинари и медиумски работници и законски застапник Павле Беловски преку адвокатот Горан Андревски.
У.бр.55/2022
Не се поведува постапка за оценување на уставноста на член 3 од Законот за изменување на Законот за административни службеници.
Подносител: Јове Кекеновски
У.бр.171/2020
Предметот останува незавршен, поради недобиено мнозинство гласови при одлучувањето по конкретен предлог. Ќе биде ставен на некоја од наредните седници.
Подносител на барањето: Влатко Сајковски
Подносителот бара да се утврди дискриминација по однос на политичка припадност, според него сторена од страна на Собранието преку Одлука и две пресуди, една од Основниот суд Кичево и втората донесена од Апелациониот суд Гостивар.
У.бр.146/2021
Во текот на советувањето и гласањето судиите го усогласија ставот дека со пресудите е направена повреда на неговите права, но Уставниот суд немаше мнозинство гласови за сите точки кои го сочинуваат конечниот предлог, а се однесуваат на правната судбина на двете пресуди, што значи дека овој предмет не е завршен. Предметот ќе биде повторно ставен на дневен ред на некоја од наредните седници.
Подносител на барањето за заштита на слободи и права е Влатко Стојановски преку адвокат Филип Медарски од Скопје.
Повеќе информации за денешната дискусија и одлучување тука.
У.бр.54/2020
Судијата известител предложи рефератот да се одложи за некоја од наредните седници.
Подносителка на барањето: Емилија Петковска застапувана од адвокатка Весна Јовановска.
