Претседателката на Уставниот суд на Република Северна Македонија, Добрила Кацарска, учествуваше на 19. Конгрес на Конференцијата на европските уставни судови (CECC) кој оваа година се одржа во Кишињев, Република Молдавија.
Во рамките на Конгресот, се одржаа три пленарни сесии со фокус на односот помеѓу уставните и меѓународните судови, политиката и правото во корелација со надлежностите на уставните судови и примената на уставните принципи во вонредни ситуации кога се ограничуваат слободите и правата.
Претседателката Кацарска, имаше активно учество и на состанокот на претседателите на уставните судови – членки, каде, беа разгледани и беше одлучено за повеќе прашања од значење за функционирањето на оваа асоцијација.
Во текот на овој конгрес се одлучи Уставниот суд на Албанија да претседава со оваа асоцијација во наредниот период и да го организира следниот конгрес на Конференцијата на европските уставни судови, кој треба да се одржи за три години.
На Конгресот се обратија и претседателката на Република Молдавија, Маја Санду, претседателката на Европскиот суд за човекови права Сиофра О’Лири, претседателката на Венцијанската комисија Клер Бази Малори.
На дводневниот 19 Конгрес на Конференцијата на европски уставни судови учествува членови и делегации од над 35 уставни судови.