Ученици организирани преку невладината организација „Копру- Скопје” присуствуваа на јавната седница која се одржа на 13.07.2022 во Уставниот суд. Во рамки на летната школа за правници учениците имаа можност непосредно да ја следат дискусијата за предметите кои беа закажани на дневен ред и да слушнат како уставните судии аргументираат ценејќи уставност и законитост на иницијативите.
По завршувањето на седницата претседателката на Уставниот суд Добрила Кацарска ги запозна со надлежностите и улогата на судиите, како и со условите за работа во Судот.
Забелешка: Фотографиите се одобрени од родителите и невладината организација „Копру-Скопје”, согласно Политиката за заштита на лични податоци во организацијата.