Стручна служба

Стручните и другите работи за потребите на Судот, ги врши Стручната служба на Судот, при што согласно членот 97 од Деловникот на Уставниот суд на Република Северна Македонија („Службен весник на Република Македонија“ бр.70/1992 и „Службен весник на Република Северна Македонија“ бр.202/2019, 256/2020 и 65/2021), Стручната служба ја сочинуваат советници на Судот, самостојни советници, советници и стручни соработници, административни и технички работници.

Со стручната служба раководи секретар.

Стручната служба ја сочинуваат:

• 17 (седумнаесет) Советници на Судот, од кои: 12 (дванаесет) советници на Судот за стручно-аналитички работи, 2 (двајца) се советници на Судот за меѓународно-правни прашања и соработка, 1 (еден) советник на Судот – шеф на кабинетот на претседателот на Судот, 1 (еден) советник на Судот – портпарол и 1 (еден) советник на Судот за информатички технологии;
• 7 (седум) советници од кои: 3 (три) советник за стручно-аналитичка работа, 1 (еден) советник за протоколарни работи, 1 (еден) советник – лектор, 1 (еден) советник за евиденција, документација и уставно-судска практика и 1 (еден) советник за финансиски прашања и јавни набавки;
• 11 (единаесет) административни работници;
• 2 (двајца) самостоен советник – преведувач;
• 1 (еден) стручен соработник за правни прашања и
• 7 (седум) технички работници.

Стручната служба обезбедува стручно-аналитички, информативно-документациони и административно-технички работи. Стручно-аналитичките работи се концентирани на теориски, компаративни и емпириски проучувања на одделни прашања (проблемски приод), информативно-документационите работи се фокусирани на прибирање, класифицирање и систематизирање на стручна граѓа (системски приод), а административно-техничките работи се посветени на изработка, евидентирање, дистрибуирање и други работи во врска со материјалите на Судот (формален приод).

Во извршувањето на своите работи Стручната служба користи мрежен компјутерски систем, како за задоволување на внатрешните потреби на Судот (уставно-судска практика, уставно-судска постапка), така и за комуницирање на Судот со други субјекти преку интернет.